Nodi Khoje Hatimare Mae Jiu 135:7 - Buka Blahi Ka Cheke Holo

⁷ Mana neke vuavuha khoveo mala au ka maloa kligna, nei nakhete mala mei balu saeklon, nei nuri na mala gaghafa mei ka tahati kate brana ghita na.

Nodi Khoje Hatimare Mae Jiu 135:7 ပူးပေါင်းရင်းမြစ်များ

Profet Jeremaea 10:13

Kate cheke mana na, naoglagna mana igne poha jateula fila eghu, eghuteuna khoꞌu ka maloa na soru poha fabiꞌo. Mana cheke ranghini khoveo na mala mei funu ka keha phile nauthoglu na. Mana cheke ranghini nakafli na mala phae ka nakhete biꞌo na, eghuteuna mana cheke ranghini nuri na mala jifla mei ka vido teke augna na.

Profet Sekaraea 10:1

Ghotilo toreni Lord mala kuru mei nakhete ka thofno narane gna na. Naugna Lord kolho teke eni khoveo na te mala nakhete na. Eghuteuna mana ginauna snakre mei nakhete biꞌo nei nakhete ikoi mala soru mala karha gano ka nagare naiknore.

Profet Jeremaea 51:16

Cheke gna mana na poha jateula fila eghu, eghuteuna khoꞌu ka maloa na oa'ongha fabiꞌo. Mana neke vuavuha khoveo na mala mei funudi ka keha philegna nauthoglu igne. Mana neke vuavuha nakafli mala kafli kate soru mei nakhete biꞌo na, eghuteuna mana vuavuha nuri na mala jifla mei ka vido aheva teke lilisei gna mana na.

Jone 3:8

Ghathoi sagho u nuri ia. U nuri na ghaghafa nogna u ngala ka vido aheva te magnahaghei tei na. Iagho tangomana te nomhini u naoglagna u nuri na. Nu iagho theome laseni ghaghafa mei funugna aheva ba aheva tei teuna eghu. Jateula tuana eghu naikno te karha majaghani ka nogna nolaghi Tharunga te Blahi na.”

Nodi Khoje Hatimare Mae Jiu 148:8

Ghotilo nakhafli, nakhete, khoveo nei nuri blahi teu te leghudi nogna cheke Lord ra, ghotilo kilo fnaknoni mana.

Profet Jona 1:4

Nu Lord eni nuri biꞌo na ne ghaghafa mei ne malu thongna na, eghuteuna vaka na ne namo phosa.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Nodi Khoje Hatimare Mae Jiu 107:25

Kate cheke mana na, u nuri biꞌo na neke mei neke malu nhorora na.

Thoutonu Eigna Mae Job 5:10

Mana kuru soru mei nakhete ka glose, nei khoꞌu ka nagare.

Ululahu Kings 18:1

Ka fatilo finogha te theome nakhete igre, Lord ne cheke eghu ka profet Elija. “Iagho tei filoni King Ehab. Eigna iara ginauna na theome raugha na kuru meini nakhete na.”

Nodi Khoje Hatimare Mae Jiu 78:26

Ka nogna nolaghi igne mana neke eni nuri na mala gaghafa mei ke maghati, nei jaola gaghafa mei ke mata.