Nodi Khoje Hatimare Mae Jiu 135:6 - Buka Blahi Ka Cheke Holo

⁶ Lord na eni unha te magnahagheni mana ka maloa kligna ba ka nauthoglu ba ka thongna ba ke lamna nhorora.

Nodi Khoje Hatimare Mae Jiu 135:6 ပူးပေါင်းရင်းမြစ်များ

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Nodi Khoje Hatimare Mae Jiu 115:3

Tututani, noda God tahati na au kligna, eghuteuna mana au nolaghi te mala eni unha te magnahagheni mana na.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Nodi Khoje Hatimare Mae Jiu 33:11

Nu unha te vaovatoni mana na ginauna kegra maku fabrahu. Gaoghathogna mana re theome tangomana te tughu na.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Profet Emos 9:6

Lord eni nogna namono na kligna tei thoke ka maloa ro, eghuteuna eni kaisei vatara biꞌo ke kligna gna nauthoglu igne. Mana au nolaghi te mala eni khoꞌu na te mala haghe kligna ka maloa na, eghuteuna ke soru mei pari ka nauthoglu igne jateula khoꞌu eghu ke kligna glose te moja na. Uve, nanghagna mana na, Lord!

Profet Emos 4:13

Kaisei God ngala te au nolaghi na, teke vuavuhadi thogele nei nuri teu igre. Mana lasedi gaoghathodi naiknore. Mana au nogna nolaghi te mala tughu narane na mala ke romno. Mana fnakno fara, eghuteuna mana funei frunidi vido te gnafa ka nauthoglu igne. Nanghagna na Lord mae ihei te au nolaghi fateote'o!

Matiu 14:25

Farihotei tanhi thiloi nei tanhi namnoi hamerane, mae fanomhore au ngala ka mola na. Mae Jisas mei ka mare, nonolo ne mei ke tagru kholo.

Thoutonu Eigna Mae Job 42:2

“Iara lase nigho iagho te au nolaghi fateote'o na, eghuteuna iagho tangomana te edi gobigna lepo te ghathodi iagho re.

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”