Nodi Khoje Hatimare Mae Jiu 135:14 - Buka Blahi Ka Cheke Holo

¹⁴ Lord iagho ginauna chekeni te doglo nou naiknore, nei kokhoni ni nou mae gloku gne.

Nodi Khoje Hatimare Mae Jiu 135:14 ပူးပေါင်းရင်းမြစ်များ

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Nodi Khoje Hatimare Mae Jiu 50:4

Mana eha lao ka maloa kligna na nei ka nauthoglu pari igne mala au jare balugna mana mala fatedi mana nogna naiknore.

Nodi Khoje Hatimare Mae Jiu 7:8

Lord, iagho tangomana te fatedi naiknore. Fate ghau iara sagho jateula iagho te fatedi keha naiknora eghu. Kate fate ghau iara iagho na, naiknore ginauna nomhini ka iagho te theome eni kaisei puhi te diꞌa iara ranghidi keha naiknore.

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Profet Emos 7:6

Aonu, Lord God neke tughu gaoghathogna na ne cheke eghu, “Uve. Glepo igne ginauna na jaola theome thoke mei.”

Profet Emos 7:3

Eghume Lord neke tughu gaoghathogna na ne cheke eghu, “Glepo teke filoni iagho igne ginauna theome thoke mei.”

Ululahu Kronikols 21:15

Eghuteuna God ne kuruni engel ne tei goigonini Jerusalem. Nu Lord filoni engel igne ne funu goigonini Jerusalem, eghuteuna mana ne diꞌanagnafagna fara ka glepo te diꞌa te thoke mei ka naiknore igne. Eghuteuna mana tughu nagnafagna ne cheke eghu ka engel igne, “Hui! La nabahi!” Ka narane tuana, nogna Engel Lord na kegra neu rhegna kaisei vido te mala fagagae wit na. Vido igne nogna mae Arauna, kaisei mae ka vikegna mae Jebus.

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Nodi Khoje Hatimare Mae Jiu 90:13

Lord God, niha fata diꞌatamu ka ghehati sagho ia? Kokhoni mei ghami ghehati sagho eigna ghehati gne nou naikno gloku iagho.