Nodi Khoje Hatimare Mae Jiu 135:13 - Buka Blahi Ka Cheke Holo

¹³ Lord naikno igre ginauna laseni fabrahu nou nafnakno iagho na. Uve, naiknore ginauna theome gnafa te toutonu eigna te iagho ngala God na teuna.

Nodi Khoje Hatimare Mae Jiu 135:13 ပူးပေါင်းရင်းမြစ်များ

Nodi Khoje Hatimare Mae Jiu 102:12

Nu iagho Lord God, iagho ginauna King fabrahu tifa e tifa. Eghuteuna iheire na teke karha mei ke leghure, ginauna ghatho nigho fabrahu.

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Nodi Khoje Hatimare Mae Jiu 8:9

Lord God, iagho nomi funei ghehati. Naikno ka namono te gnafa ka nauthoglu na igre filoni nou nolaghi biꞌo iagho na nei cheke fakeli nigho ka maloa kligna.

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Profet Hosia 12:5

Mana Lord God mae ihei te au nolaghi fateote'o ka maloa kligna. Igne nanghagna God mae ihei te mala tarai te pogho soruni tahati na.

Nodi Khoje Hatimare Mae Jiu 102:21

Kate salo fodu mei naikno te gnafa ka kantri te gnafa gre te mala tarai ka God ka namono Jerusalem na, mare ginauna toutonuni nanghagna mana na nei cheke fakelini eghu mana.

Nodi Khoje Hatimare Mae Jiu 89:1

Lord God, iara ginauna kojeni koba nou namha biꞌo iagho na, nei iara ginauna toutonuni koba eigna puhi te tajini iagho u nou nhaꞌa cheke na.

Nodi Khoje Hatimare Mae Jiu 8:1

Lord, iagho nomi funei ghehati. Naikno ka namono te gnafa ka nauthoglu na igre filoni nou nolaghi biꞌo iagho na nei cheke fakeli ni God. Naikno ka namono te gnafa ka nauthoglu na igre filoni nou nolaghi biꞌo iagho na. Ghehati cheke fakelini nou nolaghi iagho na ghilei ari posa kligna.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Nodi Khoje Hatimare Mae Jiu 102:13

Gognaro gne narane te mala kokhoni ni iagho Jerusalem na. Thofno narane te mala phile iagho balugna mana na.