Nodi Khoje Hatimare Mae Jiu 134:1 - Buka Blahi Ka Cheke Holo

¹ Ghotilo nogna mae gloku Lord te gnafara, ghotilo iheire te loku bongiro ke lamna Sugablahi ra eghu mei kilo fnaknoni mana.

Nodi Khoje Hatimare Mae Jiu 134:1 ပူးပေါင်းရင်းမြစ်များ

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.

Ululahu Kronikols 9:33

Keha mae lida ka vikegna mae Livaet, mae igre mala baubatu fei khoje ka Sugablahi, mare au ka choghogna Sugablahi igne. Mae igre theome mala edi keha nafnata gloku, naugna bongi narane na mare mala kaikaliti mala koje.

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Fapea Kronikols 29:11

Kheraguro! Ghotilo fanomho ka nogu cheke iara igre! Na glahu glaꞌe soru ghotilo. Lord neke vahi ghami ghotilo mala gahu insens ka mana, nei batudi nogna naikno mana re mala pogho soruni mana.”

Nodi Khoje Hatimare Mae Jiu 122:1

Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

Levitikas 8:35

Bongi narane na, ghotilo mala au fabrahu ka grengathagna Suga Tapuale te Blahi na, ghilei thokeni fitu narane, eghuteuna ghotilo mala edi fabrahu glepo teke chekedi Lord re. Jame te theome eni ghotilo igne na, ghotilo ginauna lehe, naugna igne unha te chekeni Lord ka iara na.”

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Nodi Khoje Hatimare Mae Jiu 121:1

Iara filo haghe ka thogelero, nu theo kaisei naikno jare te mei togho ghau na.

Nodi Khoje Hatimare Mae Jiu 132:1

Lord God, ghathoni sagho nakarha te ninhigrana tela au telau mae king Devet ke lamnagna igne.

Nodi Khoje Hatimare Mae Jiu 131:1

Lord God, iara la liliseihi puhi fahaehaghera, nei jaola liliseihi te cheke fahaehaghera eghu. Iara na theome fariuriu edi unha te ninhigrana fara te mala edi iara re, nei mala lasedi unha te ninhigrana naba te mala lasedi iara re.

Nodi Khoje Hatimare Mae Jiu 130:6

Iara ofoniu nogu Lord, eigna iara magnahaghei fara te filoni mana te mala togho ghau ke tulao gnai mae ihei te dofra bongiro te magnahaghei te ghosei te phage naprai na ia eghu.

Nodi Khoje Hatimare Mae Jiu 129:1

Tore! Ghotilo mae Israel ra, toutonu mei si ghotilo! Funu ka narane teke sneka mae ku'edara ka namono Ijep te ghilei mei posa gognaro gne, naugna unha si mae naoka gre te goigoni ghita tahati gnea?

Nodi Khoje Hatimare Mae Jiu 128:1

Keli tadi fara iheire te ghatho tahuni Lord nei leghudi nogna chekere teuna.

Nodi Khoje Hatimare Mae Jiu 126:1

Kate atha fapulo ghita Lord agne Jerusalem, tahati gaoghathoda na jateula kaisei mifi eghu kolho.

Nodi Khoje Hatimare Mae Jiu 123:1

Lord God, iara filo haghe ka iagho kligna, ka vido aheva te gnokro teu iagho ka nou sape nafnakno na te funei frunini u nauthoglu igne.

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Nodi Khoje Hatimare Mae Jiu 103:21

Ghotilo nogna naikno gloku God te au kligna te edi unha te magnahaghedi mana ra, ghotilo cheke fakelini mana!

Nodi Khoje Hatimare Mae Jiu 127:1

Jame te theome totogho Lord ka ihei te loku ka suga na, gloku te eni mana igne theo nafugna kolho. Eghuteuna jame te theome reireghi fakeli Lord balugna mae ihei te reireghi gna nogna namono na glahula mei ruma naokare ka nogna namono na teuna, reireghi te eni mana igne theo nafugna kolho.

Nodi Khoje Hatimare Mae Jiu 125:1

Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Nodi Khoje Hatimare Mae Jiu 124:1

Ba? Jame te theome togho ghita Lord kau magra na, na faꞌunha eghu tahati ginauna?

Ululahu Kronikols 9:23

Eghume iheire te karha mei ka vikedi mae igre na, mare reireghini fabrahu grengatha te mala tei ka nogna Sugablahi Lord na.

Thakle 7:15

Naugna igne mare kegra ke ulugna nogna sape nafnakno God na mala fafnaknoni mana. Mare theome gnafa bongi narane na pogho soru ranghini mana ke lamnagna nogna Sugablahi igne. Eghuteuna God mae ihei te gnokro ka sape nafnakno na ginauna au baludi mala reireghi fakelidi.

Nodi Khoje Hatimare Mae Jiu 130:1

Nogu Lord God, kate eha ari iara na, mei sagho togho ghau iara. Puhi te thoke ghau iara gre thono faglaꞌedi fara gaoghathogu iara na. Jame rioriso soru iagho nakhibomi ghehati gre meuna, ihei gne te tangomana ni nate kegra teu ke ulumu iagho ginauna, te mala theome fateni iagho na?

Ululahu Kronikols 9:27

Leuleghu bongi na mare au kolho rhegna Sugablahi igne, naugna mare mala reireghini Sugablahi igne. Eghuteuna leuleghu hamerane na, mare tothora koba grengathagna Sugablahi na.

Fapea Kronikols 35:5

“Ghotilo mala tarabana ka Sugablahi gno. Eghuteuna tothoghei ghotilo igne mala toghodi keha tharakna ka naiknodi Juda nei Israel.

Nehemaea 12:9

Mae Bakbukaea ghe mae Uni baludi mae kheradi igre, mare koje cheke tughu ka khoje igne.

Nodi Khoje Hatimare Mae Jiu 84:5

Iheire ngala te au fakeli nodi ka iagho re, mare ngala te thofno glealeꞌa nodi fara na. Mare thono magnahaghei fara te haghe ka Thogele Saion mala tufru soru nigho.

Nodi Khoje Hatimare Mae Jiu 113:1

Tahati koje kilo fnaknoni God! Uve, tahati kafe nogna mae gloku mana mala kilo fnaknoni nanghagna mana na.