Nodi Khoje Hatimare Mae Jiu 133:3 - Buka Blahi Ka Cheke Holo

³ Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Nodi Khoje Hatimare Mae Jiu 133:3 ပူးပေါင်းရင်းမြစ်များ

Diutronomi 28:8

“Lord ginauna fablahidi suga te mala lilisei gano ghotilo are mala fodu salaꞌui. Eghuteuna nomi gloku ghotilo are ginauna keli fara. Lord nomi God ghotilo igne ginauna fablahi ghami ghotilo ka glose teke tusu ari mana ka ghotilo igne.

Nodi Khoje Hatimare Mae Jiu 42:8

God iagho ngala te funei frunini nakarhagu iara gne. Iara gne ofoniu kolho glehe na. Iara laseni ka kaisei narane teuna iagho falalase nou namha biꞌo na ka iara. Eghuteuna leuleghu bongi na iara koje balu tharai ka iagho.

Levitikas 25:21

Iara Lord, iara ginauna fablahi nomi glose na ka fafamno finogha na mala au kmana gano nabagna thilo finogha.

Ululahu Jone 5:11

Igne unha te chekeni God ka tahati na: God tusu ranghi ghita karha fei tifa, eghuteuna karha igne mei balugna Thugna.

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Profet Maeka 5:7

Naoka re neke uludi naiknodi Israel neke hatadi neke tei ka keha kantri te khaba fara igre, naikno igre ginauna te au ka kmana kantri. Tutuani, mare ginauna tei au heva heva jateula nabubla bongiro, ba nakhete ikoi teke kuru mei Lord mala famane kotu gano. Eghuteuna naiknore ginauna rouronu kolho ka God theome ka kaisei naikno, theo!

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Jone 5:29

Aonu mare ginauna kafe jifla mei ka bekudire. Iheire teke edi koba gloku te keli tifa re mare ginauna karha fabrahu. Nu iheire teke edi koba glepo te diꞌare mare ginauna au papara fabrahu.

Josua 13:11

Mare neke jaola nake atha nodi glose mae Gilead tei posa ka nodi nohi mae Gesu nei mae Maka nei keha vido ka Thogele Hemon nei keha vido ka nohi Besan tei posa ka namono Saleka.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Proveb 19:12

Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.

Nodi Khoje Hatimare Mae Jiu 21:4

Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Nodi Khoje Hatimare Mae Jiu 21:5

Mana au nafnakno biꞌo naugna iagho neke toghoni mana mala tapla sorudi mana nogna naokare. Nogna naiknore neke cheke fakelini nei kilo fafnaknoni neku mana.