Nodi Khoje Hatimare Mae Jiu 133:1 - Buka Blahi Ka Cheke Holo

¹ Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Nodi Khoje Hatimare Mae Jiu 133:1 ပူးပေါင်းရင်းမြစ်များ

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Jone 13:35

Te fari namhai ghotilo na, keha naiknore ginauna lase ghami ghotilo te nogu mae fanomho tutuani iara na.’ ”

Hibru 13:1

Namhadi fabrahu kherami naikno khiloau are.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Jenesis 45:24

Kate kuru teidi mae thabusigna re, mae Josep ne cheke eghu ka mare, “Ghotilo jifla tei, nu thosei fari fapholai fari themi eghu.”

Profet Isaia 11:6

Kate funei fruni mana na, khuma fakaukathu nei sua sipu teu igre, ginauna thuru fodu jateula kaisei tothoghei eghu. Khurau biꞌo ginauna thuru fodu kaisei vido kolho balu nanigot. Sua buluka nei sua lion teu igre, ginauna ghamu fodu kolho. Eghuteuna neubane kaisei sua nalhaꞌu, mana ginauna tangomana te reireghidi re.

Nodi Khoje Hatimare Mae Jiu 131:1

Lord God, iara la liliseihi puhi fahaehaghera, nei jaola liliseihi te cheke fahaehaghera eghu. Iara na theome fariuriu edi unha te ninhigrana fara te mala edi iara re, nei mala lasedi unha te ninhigrana naba te mala lasedi iara re.

Profet Isaia 11:13

Naiknodi Israel igre ginauna theome goghotudi naiknodi Juda nei na theome khidi eghu mare. Naiknodi Juda igre mala jaola theome goghotudi nei khidi eghu naiknodi Israel.

Nodi Khoje Hatimare Mae Jiu 122:1

Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

Profet Isaia 11:9

Ka Thogele blahi Saion igne, naiknore ginauna theome tangomana te goigonidi gobigna lepo re, naugna nauthoglu igne ginauna fodu ka naikno te thofno laseni Lord, jateula thongna te fodu te salaꞌui ra eghu.

Nodi Khoje Hatimare Mae Jiu 124:1

Ba? Jame te theome togho ghita Lord kau magra na, na faꞌunha eghu tahati ginauna?

Nonomho Te Keli Teke Risoi Mae Mak 3:25

Ba, jame kaisei tharakna magra fari thedi, tharakna tuana ginauna theome au fakeli kolho.