Nodi Khoje Hatimare Mae Jiu 132:16 - Buka Blahi Ka Cheke Holo

¹⁶ Iara ginauna na fablahidi gobigna lepo te edi hatimare mae pris are. Naikno gna vido tuana ginauna koje nei eha fabiꞌo eghu, naugna mare ne glealeꞌa fara.

Nodi Khoje Hatimare Mae Jiu 132:16 ပူးပေါင်းရင်းမြစ်များ

Fapea Kronikols 6:41

“Lord God, iagho mei au fabrahu ka nou vido iagho igne balugna Bokis Blahi te fakakhana nou nolaghi biꞌo iagho. Lord God, iagho snakredi nou mae pris gre mala filo ari fabrahu ka iagho mala fakarhidi iagho, eghuteuna iagho snakredi iheire te ghatho tahu nigho iagho gre mala kelitadi fara mare ka puhimu iagho te keli igre.

Nodi Khoje Hatimare Mae Jiu 132:9

Toghodi sagho nou mae pris are mala edi fabrahu koba mare puhi te doglore. Mala glealeꞌa nei eha fabiꞌo ame ghu nou naiknore eghu.”

Jone 16:24

Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Galesia 3:27

Ghotilo kaisei balugna Kraes kate apublahi na, eghuteuna ghotilo la funu leghunihi puhigna Kraes na.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Hosia 11:12

Lord ne cheke eghu, “Naiknodi Israel igre chaichaghi koba ka iara. Nu naiknodi Juda igre au famaku ke parigu iara God mae ihei te eni ranghidi puhi te keli nei doglo teuna.”

Nodi Khoje Hatimare Mae Jiu 140:4

Lord God, baubatu fadelei ghau iara sagho ka naikno te diꞌa gre. Taji fakeli ghau ka iheire te khuru magra te roghe mala falehe ghau iara teu are.