Nodi Khoje Hatimare Mae Jiu 132:15 - Buka Blahi Ka Cheke Holo

¹⁵ Iara ginau tusu lao glepo kmana te keli ka naikno te au ka namono Saion are. Iara ginauna na tusu lao kmana gano ka iheire te kuma te au ka vido tuana mala glealeꞌa mare.

Nodi Khoje Hatimare Mae Jiu 132:15 ပူးပေါင်းရင်းမြစ်များ

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Luku 1:53

Mana toghodi iheire te rofo re mala fabohodi ka gano te keli. Mana brue fadelei iheire te dedei fara mala ke kuma.

Profet Malakai 2:2

Jame ghotilo theome leghu ghau iara ba theome ghatho tahuni nanghagu iara na, iara ginauna ei puhi biꞌo mala thoke ghami ghotilo nei thokeni nakarhami keli ghotilo mae pris ra. Uve, iara enihi ka ghotilo, naugna ghotilo ne theome ghatho tahuni nanghagu iara na.

Profet Hagae 1:9

Leghu fata na ghotilo mala ofo mala vuragha ghemi gano ka nagarere, nu keha ghu kolho te kotu haghere. Kate atha te mei ghotilo gano re ka sugami re, iara na snakre mei nuri mala faflalo koko gano tuare! Unha ne eghu nga? Iara Lord cheke fadoglo ka ghotilo. Iara eni igne, naugna ghotilo loku heta mala fakegra kolho nomi suga themi are. Nu nogu Sugablahi iara na theome au fakeli kolho eghu.

Profet Hagae 1:6

Ghotilo jaꞌi kmana sopho ka nagare, nu ka uklidire theome kmana ganodi kolho. Ghotilo ima, nu gano re theome nabami ngala ghotilo. Ghotilo koꞌu waen, nu waen tuana theome naba kolho. Ghotilo au nomi pohe, nu pohe tuare theome naba te mala fabrana ghami ghotilo na. Mae glokure loku heta mala atha kmana sileni, nu sileni te atha mana re, theome naba kolho. Uve, sileni igne jateula te dofini kolho ka gloi ra eghu.”

Profet Jeremaea 31:14

Mare ginauna atha mei kmana gano ka iara, eghume mae pris ginauna au ghedi kmana gano te keli. Eghuteuna iara ginauna toghodi nogu naiknore mala gleale'a ka glepo te keli nate tusu ranghidi iara re.” Igne cheke gna Lord.

Profet Isaia 33:16

Nafnata naikno igne nate au fakeli ka kaisei vido te rheta te mala poru ka thogele holoro, eghuteuna mana ginauna au kmana ghegna gano nei khoꞌu eghu. Uve, mana ginauna au nogna gobigna lepo te magnahaghedi manare.

Nodi Khoje Hatimare Mae Jiu 107:9

Mana neke tusu lao khoꞌu ka iheire te roi koꞌu fara, nei tusu lao gano te keli ka iheire te rofo, mala boho nei glealeꞌa eghu mare.

Nodi Khoje Hatimare Mae Jiu 37:19

Ka vido te ninhigrana na mana na theome au diꞌanagnafa. Eghuteuna ka nhigra te theo gano na mana na theome glehe rofo.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Nodi Khoje Hatimare Mae Jiu 36:8

Iagho au kmana gano ka sugamu na, eghume ghehati theome kmoꞌe ka gano na. Leuleghu fata na puhimu iagho te keli na jateula khoꞌu biꞌo te snakreni iagho te tei koꞌu ghehati tagna ia eghu.

Nodi Khoje Hatimare Mae Jiu 22:26

Naikno te kuma re ginauna ghamu ghedi boho. Eghuteuna naikno te hironi God na, mare ginauna na pala hagheni nanghagna God na. Iara toreni God mala fablahidi fabrahu tifa e tifa!

Diutronomi 14:29

Ka puhi igne vikegna mae Livae te theo nodi glose igre ginauna tangomana te au ghedi gano na. Eghuteuna jaola naiknodi delei te mei au balumi ghotilo are, nei iheire te glehe kokoi, nei goro naikno biꞌo tela lehehi khetodire teu te au ka namonomi ghotilo are eghu tangomana te kafe mei ka vido igne mala hata gano te nabadi. Jame te eghu ghotilo na, Lord ginauna fablahidi nomi gloku te gnafa ghotilore.”

Eksodas 23:25

Jame te pogho soru kolho ghotilo ka iara nomi Lord God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo.