Nodi Khoje Hatimare Mae Jiu 130:1 - Buka Blahi Ka Cheke Holo

^1-3 Nogu Lord God, kate eha ari iara na, mei sagho togho ghau iara. Puhi te thoke ghau iara gre thono faglaꞌedi fara gaoghathogu iara na. Jame rioriso soru iagho nakhibomi ghehati gre meuna, ihei gne te tangomana ni nate kegra teu ke ulumu iagho ginauna, te mala theome fateni iagho na?

Nodi Khoje Hatimare Mae Jiu 130:1 ပူးပေါင်းရင်းမြစ်များ

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Nodi Khoje Hatimare Mae Jiu 71:20

Iagho hata mei puhi biꞌo igre ka iara mala papara iara neku, nu te laseni iara na, iagho nake faheta fapulo ghau iara, eghuteuna iagho theome tangomana te snakre lao ghau iara ka glehe na.

Nodi Khoje Hatimare Mae Jiu 40:2

Iara gne jateula kaisei mae te au teu ke lamna glodu te mamhara nei ka naoro te fodu ka chopu ra eghu. Nu Lord neke korho haghe ghau iara neke fakegra ghau iara ke tagrugna kaisei thina, eghuteuna iara gognaro na kegrau ka vido te keli.

Nodi Khoje Hatimare Mae Jiu 18:16

Lord na au neu kligna ne ngafa soru ne hata fapulo ghau iara kau karha. Kate plulu iara ka nhorora na mana ne loku ka phei khamegu iara re ne korho haghe ghau iara.

Nodi Khoje Hatimare Mae Jiu 129:1

Tore! Ghotilo mae Israel ra, toutonu mei si ghotilo! Funu ka narane teke sneka mae ku'edara ka namono Ijep te ghilei mei posa gognaro gne, naugna unha si mae naoka gre te goigoni ghita tahati gnea?

Nodi Khoje Hatimare Mae Jiu 128:1

Keli tadi fara iheire te ghatho tahuni Lord nei leghudi nogna chekere teuna.

Nodi Khoje Hatimare Mae Jiu 127:1

Jame te theome totogho Lord ka ihei te loku ka suga na, gloku te eni mana igne theo nafugna kolho. Eghuteuna jame te theome reireghi fakeli Lord balugna mae ihei te reireghi gna nogna namono na glahula mei ruma naokare ka nogna namono na teuna, reireghi te eni mana igne theo nafugna kolho.

Nodi Khoje Hatimare Mae Jiu 126:1

Kate atha fapulo ghita Lord agne Jerusalem, tahati gaoghathoda na jateula kaisei mifi eghu kolho.

Nodi Khoje Hatimare Mae Jiu 125:1

Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Nodi Khoje Hatimare Mae Jiu 124:1

Ba? Jame te theome togho ghita Lord kau magra na, na faꞌunha eghu tahati ginauna?

Nodi Khoje Hatimare Mae Jiu 123:1

Lord God, iara filo haghe ka iagho kligna, ka vido aheva te gnokro teu iagho ka nou sape nafnakno na te funei frunini u nauthoglu igne.

Nodi Khoje Hatimare Mae Jiu 122:1

Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

Nodi Khoje Hatimare Mae Jiu 121:1

Iara filo haghe ka thogelero, nu theo kaisei naikno jare te mei togho ghau na.