Nodi Khoje Hatimare Mae Jiu 13:4 - Buka Blahi Ka Cheke Holo

⁴ Eghume, nogu naoka iara gre ginauna theome tangomana te cheke eghu na, “La au hila ka khameda tahati si mae gnea.” Iagho thosei snakredi mare mala glealeꞌa te filoni mare te au teu iara ka khamedi mare na.

Nodi Khoje Hatimare Mae Jiu 13:4 ပူးပေါင်းရင်းမြစ်များ

Nodi Khoje Hatimare Mae Jiu 25:2

Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Profet Jeremaea 1:19

Mare ginauna diꞌatadi fara ka iagho, nu mare ginauna na theome tangomana te tapla fapari nigho iagho na. Naugna iara ginauna na au balumu iagho mala reireghi fakeli nigho. Igne chekegna Lord!”

Proveb 12:3

Jame mae te eni puhi te diꞌa na, igne theome mala toghoni mana mala au fakeli nei kegra heta eghu. Nu mae te doglo na kegra heta fabrahu.

Nodi Khoje Hatimare Mae Jiu 62:6

Kaisei mana ngala te mala doadofra ghau nei togho ghau teu iara na. Eghuteuna kaisei mana ngala mae ihei te mala bara fothi ghau iara na. Eghume iara gne theome tangomana te nigra ka magra na eghu.

Nodi Khoje Hatimare Mae Jiu 38:16

Te tore nigho iara na, thosei snakredi nogu naoka iara re mala glealeꞌa kate au diꞌanagnafa nei au papara teu iara na. Kate tapla jafra iara na, thosei snakredi mare mala cheke fahaehaghe nei glealeꞌa eghu ke ulugu iara.

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Nodi Khoje Hatimare Mae Jiu 112:6

Mae te keli na theome tangomana te pari na, eghuteuna naiknore theome tangomana te ghatho ihoni mana na.

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Nodi Khoje Hatimare Mae Jiu 35:25

Iagho thosei snakredi mare me cheke eghu, “Thofno keli fara! Tahati la ulunihi mana. Ao ngala si glepo teke magnahagheni tahati la!”

Nodi Khoje Hatimare Mae Jiu 35:19

Thosei snakredi nogu naoka iara te mae chaichaghi gre mala tapla fapari ghau iara. Thosei snakredi mare mala maꞌe ghau iara kate filoni mare te au diꞌanagnafa iara na.

Nodi Khoje Hatimare Mae Jiu 10:11

Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Nodi Khoje Hatimare Mae Jiu 9:19

Lord, mei sagho! Thosei snakredi naikno ne nhetahi thedi teu te figri tagru nigho are mala filodi tathamu nei foflomu teu iagho re. Iagho fakegradi ke ulumu mae bongihehe are mala fate falehedi.

Esra 9:8

“Nu gognarona, iagho nomi Lord God thofno keli fara ka ghehati, eghuteuna iagho snakredi keha ka ghehati mala karhau, mala tangomana ghehati teke pulo mei mala teke au fakeli ka nou vido blahi iagho igne. Neuba ghehati ne au jateula naikno sneka neu, nu iagho tusu mei nakarha majaghani ka ghehati mala farerheta gaoghathomi ghehati gre.