Nodi Khoje Hatimare Mae Jiu 128:5 - Buka Blahi Ka Cheke Holo

⁵ Thofno keli fara Lord te au teu Saion na, te mala fablahi ghami ghotilo na. Uve, thofno keli fara jame te filodi ghotilo glepo te keli fara te au teu Jerusalem leuleghu rane ka nakarhamire.

Nodi Khoje Hatimare Mae Jiu 128:5 ပူးပေါင်းရင်းမြစ်များ

Nodi Khoje Hatimare Mae Jiu 134:3

God mae ihei teke vuavuhadi maloa ghe nauthoglu gre, mana au Saion. Iara ginauna toreni mana mala fablahi ghami ghotilo.

Nodi Khoje Hatimare Mae Jiu 20:2

Mana au ka nogna Sugablahi na ka Thogele Saion. Ghehati toreni mana mala togho nigho nei faheta nigho eghu.

Nodi Khoje Hatimare Mae Jiu 118:26

God fablahini mae king mae ihei te mei ka nanghagna Lord, eghuteuna ghehati mae pris gna nogna Sugablahi Lord na ginauna fablahi ghami ghotilo.

Profet Isaia 33:20

Ghotilo filoni Jerusalem. Namono aheva te mala ei gaghamu biꞌo nei tarai teu tahati ia. Igne kaisei namono keli mala poru tahati tagna mala au kau pharikeli. Ginauna na jateula kaisei suga tapuale te theome tangomana kaisei naikno te rathu koko khegra te loku famaku gnarho gna suga igne, eghuteuna gnarho igne na theome tangomana te khusu na.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Profet Isaia 2:3

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla Jerusalem, eghuteuna mana ginauna farirhiudi naiknore heva heva ka puhigna mana na.

Nodi Khoje Hatimare Mae Jiu 122:6

Tahati taraidi naikno te au ka namono Jerusalem mala au mare kau pharikeli. Uve, tahati mala tarai eghu agne, “Lord God, jame te keli na iagho toghodi naikno te namha nigho re mala au fakeli.

Nodi Khoje Hatimare Mae Jiu 135:21

Ghotilo naikno Jerusalem ra cheke fakelini Lord ka Thogele Saion. Uve, tahati kafe cheke fakelini mana!

Nodi Khoje Hatimare Mae Jiu 20:3

Ghehati toreni mana mala theome ghatho ihodi nou fafara iagho re. Nu ghehati magnahagheni mana te mala keli tagna fara ka fafara teke gahu iagho ka khaꞌaghi teke fafara lao ka mana ra.