Nodi Khoje Hatimare Mae Jiu 127:2 - Buka Blahi Ka Cheke Holo

² Thono theo nafuda kolho tahati te nangani kolho nakarhada theda na, te loku hetani gano na kolho funu hamerane boibongi te ghilei rafi na. Naugna Lord ngala nate togho ghita ginauna ka unha te nabada tahati na, neuba ne loku heta ba thuru iho eghu tahati.

Nodi Khoje Hatimare Mae Jiu 127:2 ပူးပေါင်းရင်းမြစ်များ

Eklesiasti 5:12

Mae gloku te loku heta fabrahu na, glahu mana ghamu katha ikoi kolho, ba mana ghamu ghilei boho fara, nu mana tangomana te thuru fakeli bongiro na. Nu mae te dedei na theome thuru fakeli bongiro na, naugna mana ne nangadi fara nogna gobigna lepore.

Nodi Khoje Hatimare Mae Jiu 4:8

Lord, kaisei iagho ngala te reireghi ghau iara te mala au fakeli iara na. Iara gne theome tangomana te mhaghuni kaisei glepo na. Kate thuru na, iara thuru blakno.

Thoutonu Eigna Mae Job 11:18

Iagho ginauna tangomana te au fakeli na, eghuteuna gaoghathomu iagho na ginauna rheta. Eghuteuna God ginauna reireghi nigho, eghuteuna togho nigho mala gnafa fakeli iagho.

Nodi Khoje Hatimare Mae Jiu 3:5

Lord, iara na thuru soru mala thuru blakno nogu, eghuteuna hamerane na iara neke dofra haghe. Theo kaisei naikno te eni kaisei puhi te diꞌa ranghi ghau iara na, naugna iagho ne reireghi ghau neu iara.

Profet Jeremaea 31:26

Aonu, ka narane igne, iara dofra haghe ne filo tafri, eghuteuna iara ne keli nagnafagu fara eigna unha te eni Lord kate thuru teu iara igne.

Profet Esikiel 34:25

“ ‘Iara ginauna eni baludi kaisei nhaꞌa cheke mala au mare kau pharikeli. Iara ginauna ngolho teidi gobigna lepo te diꞌa fateote'o te au ka namono nagou nei mata teu are, eghuteuna nogu sipu iara igre ginauna theome mhaghu na thuru tafri nodi kolho.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Eklesiasti 6:7

Leuleghu narane na tahati loku mala ghamu kolho, nu gano te loku hetadi tahati igre theome naba kolho ka unha te magnahagheni tahati na.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Nodi Khoje Hatimare Mae Jiu 60:5

Iara tore nigho mala fakarhi ghami ka nou nolaghi. Cheke tughudi nomi tharai ghehati naikno te namhadi fara iagho gre mala au fakeli ghehati.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.