Nodi Khoje Hatimare Mae Jiu 126:2 - Buka Blahi Ka Cheke Holo

² Ka narane tuana tahati maꞌe nei koje eghu, naugna tahati neke thofno glealeꞌa fara ngala. Aonu naikno te theome laseni Lord teure ne cheke eghu, “Lord na la edi glepo te biꞌo fara igre la toghodi naiknodi Israel gre.”

Nodi Khoje Hatimare Mae Jiu 126:2 ပူးပေါင်းရင်းမြစ်များ

Thoutonu Eigna Mae Job 8:21

Mana ginauna tothora foflomu iagho na mala ke maꞌe, eghuteuna iagho ginauna eha fabiꞌo naugna iagho ne glealeꞌa.

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Nodi Khoje Hatimare Mae Jiu 71:19

God, puhimu iagho na thono doglo fara tei posa ka glepo te au kligna ka maloa gno. Iagho neke edi gloku te biꞌo fara igre eghuteuna glepo igre salaꞌudi fara nomi glalase ghehatire. Uve, God, theo kaisei naikno te jateula iagho teuna.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Nodi Khoje Hatimare Mae Jiu 53:6

Iara toreni fara noda God mae ihei te au ka Thogele Saion te mala snakreni kaisei mae te mala fakarha ghita ka khamedi noda naokare. Ka narane tuana tahati na thofno glealeꞌa noda, eigna God na togho ghita tahati maeda Israel.

Nehemaea 6:16

Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Letas Teke Riso Tei Mae Pol Ka Khiloau Rom 11:15

Naugna kate figri fadelei God ka ghehati mae Jiu gre, keha naikno ka nauthoglu gne na tangomana teke kheragna God na. Ginauna jateula unha eghu kate keli tagna God ka mae Jiu gre? Mae Jiu gre ginauna jateula teke karha fapulo ka glehe eghu!

Nodi Khoje Hatimare Mae Jiu 51:14

God, fakarhi ghau iara, thosei falehe ghau iara eigna unha puhi diꞌa teke eni iara ia. Iara ginauna koje kilo fafnakno nigho eigna te eni iagho puhi te doglo na.

Nodi Khoje Hatimare Mae Jiu 14:7

Iara toreni fara noda God mae ihei te au ka Thogele Saion te mala snakreni kaisei mae te mala fakarha ghita ka khamedi noda naokare. Ka narane tuana tahati na thofno glealeꞌa noda, eigna God na togho ghita tahati maeda Israel.

Esra 3:11

Eghuteuna mare koje ne kilo fnaknoni Lord nei mala tegioni mana. Mare koje ne cheke eghu, “Lord na thofno keli fara! Eghuteuna nogna namha ranghini Israel theo ka huigna!” Naiknore ne kafe koje fabiꞌo mala kilo fnaknoni Lord, naugna gloku te lilisei thina biꞌo ka khotogna Sugablahi igne la fufunu gognarona.

Naba 23:23

Theo kaisei naikno te tangomana ei naitudi vikegna mae Jekob na. Eghuteuna theo kaisei mae te au nolaghi te mala goigonidi naiknodi Israel re. Gognaro na naiknore mala tonu eidi kokhologna mae Jekob, naiknodi Israel igre. Mare ginauna cheke eghu, ‘Mei ghotilo mala filoni nogna gloku God igne!’

Profet Isaia 51:11

Naikno teke fakarha fapulodi Lord ra, ginauna nake pulo mei Jerusalem. Eghuteuna kate pulo mare Saion, mare ginauna eha fabiꞌo balu koje naugna mare ne glealeꞌa fara. Mare ginauna theome diꞌanagnafa ba tanhi ka namono igne, naugna mare na glealeꞌa fabrahu kolho.

Profet Jeremaea 31:7

Lord ne cheke eghu, “Ghotilo koje balu gleale'a eigna Israel! Ghotilo eha fabiꞌo eigna kantri te biꞌo lahu ka nauthoglu igne. Kate kilo fnaknoni Lord na, ghotilo mala cheke eghu ka naiknore, ‘Lord! Fakarhidi nou naikno Israel te au faleghu igre!’

Profet Esikiel 36:36

Eghuteuna kate au fakeli teu ghotilo maemi Israel ka nomi namono re, naiknodi keha kantri te karha au faligoho ghami teu ghotilo are ginauna lase fakelini te iara Lord, teke eni fapulo namono igne, nei joꞌu gano ka nagare teu ka vido aheva teke krogha teke soro tifa ia. Iara Lord te eni nhaꞌa cheke igne.’ ”