Nodi Khoje Hatimare Mae Jiu 125:5 - Buka Blahi Ka Cheke Holo

⁵ Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Nodi Khoje Hatimare Mae Jiu 125:5 ပူးပေါင်းရင်းမြစ်များ

Profet Isaia 59:8

Ghotilo theome laseni puhi eigna pharikeli na, eghuteuna ghotilo theome leghuni puhi te doglo te mala fateni naikno na. Eghume, ihei te theome leghuni puhi te doglo igne na, ginauna theome au ka pharikeli.

Proveb 2:15

Naugna puhidi naikno igre theome doglo, tutuani fara.

Nodi Khoje Hatimare Mae Jiu 128:6

Thofno keli fara jame te karha teu ghotilo te mala filodi gramire. Thofno keli fara jame tahati naiknoda Israel gre te au tada u nakarha te keli na.

Nodi Khoje Hatimare Mae Jiu 40:4

Ihei te fatutuani ni Lord na, mana keli tagna fara. Nafnata mae igne theome leghuni naikno te ghatho tahuni thegna na, eghuteuna ihei te ghatho ihoni God nei jaola tarai lao ka mumuju.

Galesia 6:16

Iara toreni God mala tusu lao pharikeli nei lolokeli ka iheire te leghuni gaoghatho igne nei ka iheire te gnafa te thofno nogna naikno God.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Hibru 10:38

“Nogu naikno iara te doglo are ginauna athini thofno karha na, naugna mare ne fatutuanidi nogu cheke iara gre. Nu te figri tagru mare te theome fatutuani ghau iara na, iara ginauna na theome keli tagu.”

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Profet Hosia 2:18

Ka narane tuana, iara ginauna na eni kaisei nhaꞌa cheke baludi bosu, buluka, nanghaji, nei mogo teu igre mala thosei mei goigonidi nogu naikno iara igre. Eghuteuna iara ginauna hata fadelei naflahi, phaloho, nei thua nafnata glepo te mala magra are mala au mare kau pharikeli ka nauthoglu igne.

Profet Esikiel 37:26

Iara ginauna eni kaisei nhaꞌa cheke pharikeli baludi mare, u nhaꞌa cheke igne ginauna theome tangomana te gnafa na. Uve, iara ginauna fablahidi mala thovu mare. Eghuteuna nogu vido blahi iara igne ginauna kegra fabrahu ka nodi namono mare igne.

Profet Jeremaea 2:19

Ghotilo tei koko ghau iara, eghume iara ginauna na snakre ghami ghotilo mala tei au fakhaba ka iara mala eni fabrahu ghotilo puhi te diꞌa na. Eghuteuna ghotilo ginauna na au papara fabrahu jare. Naugna igne, ghotilo ginauna filo glani puhi te tei koko ghau iara na, nei theome ghatho tahu ghau iara teuna. Igne thofno puhi diꞌa fara, naugna igne, ghotilo ginauna au papara.” Igne chekegna Lord God mae ihei te au nolaghi fateote'o.

Profet Isaia 54:13

Iara Lord ginauna farirhiu ghami ghotilo, eghuteuna tusu ari nakarha te keli nei pharikeli eghu ka ghotilo.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Proveb 14:14

Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Nodi Khoje Hatimare Mae Jiu 94:4

Naikno igre huhughuni u vetula na. Niha fata fahaehaghedi si mare puhidi te diꞌa grea?

Nodi Khoje Hatimare Mae Jiu 92:7

Glepo igre eghu agne, naikno te diꞌare famane kotu haghe jateula buburu eghu, eghuteuna naikno te edi puhi te diꞌare mare au ka nakarha te keli ka nauthoglu igne, nu iagho ginauna roꞌedi mala theo nafudi fabrahu.

Thoutonu Eigna Mae Job 23:11

Leuleghu fata na, iara ghatho tahuni mana, eghuteuna iara leghudi puhigna mana re. Iara theome tei kokoni mana mala leghuni kaisei nabrou delei.

Fapea Samuel 22:22

Leuleghu fata na, iara leghuni koba puhigna Lord eghuteuna iara theome tei fajafra ka mana.

Nodi Khoje Hatimare Mae Jiu 92:8

Naugna, Lord iaghou ngala te mala King fabrahu te tifa te tifa na.

Nodi Khoje Hatimare Mae Jiu 92:10

Iagho tusu mei nanheta biꞌo ka iara, jateula nogna nanheta lion eghu. Iagho neke vahi ghau iara mala thumu neku.

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.

Luku 11:25

Aonu kate pulo ka naikno tuana, mana ne filoni naikno tuana jateula suga te haglu fagae te doglo hira eghu ke lamna na.