Nodi Khoje Hatimare Mae Jiu 125:4 - Buka Blahi Ka Cheke Holo

⁴ Lord God, tusu lao glepo te keli sagho ka naikno te leghudi nou cheke are.

Nodi Khoje Hatimare Mae Jiu 125:4 ပူးပေါင်းရင်းမြစ်များ

Nodi Khoje Hatimare Mae Jiu 7:10

God na nogu greoreo iara. Naugna mana ne baradi iheire te leghudi nogna chekere.

Nodi Khoje Hatimare Mae Jiu 119:68

Iagho keli fara nei eni unha te keli na eghu ranghi ghau iara. Eghume, farirhiu ghau iara sagho nou vetulare eghu.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Nodi Khoje Hatimare Mae Jiu 94:15

Eghuteuna mae mala fatere ginauna fatedi naiknore ka puhi te doglo. Uve, kate filoni igne naikno te doglore na leghuni mana.

Nodi Khoje Hatimare Mae Jiu 51:18

God, iagho filo kokhoni ghami ghehati naikno te au ka Thogele Saion. Eghuteuna togho mei ghami ghehati mala fakegra hagheni gringni thina biꞌo Jerusalem.

Thakle 14:5

Mae igre neke theo kaisei cheke chaichaghi te jifla mei ka foflodire. Tutuani fara, mare thofno doglo fara ka tathagna God na.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Lamentations 3:25

Lord na fablahidi iheire te fatutuani ni mana, nei iheire te magnahaghei lase fakelini mana.

Nodi Khoje Hatimare Mae Jiu 119:80

Jame te keli na iara leghuni fara nou vetula iagho na mala theome tangomana iara te mamaja na.

Nodi Khoje Hatimare Mae Jiu 73:1

Tutuani fara, God na keli fara ka tahati naiknoda Israel, eigna gaoghathoda tahatire thofno gae fara.

Nodi Khoje Hatimare Mae Jiu 36:10

Namhadi fabrahu sagho naikno te lase nigho re, eghuteuna fablahidi iheire te keli puhidire eghu.

Nodi Khoje Hatimare Mae Jiu 32:2

Mae ihei Lord te theome filoni kaisei najafra ka nakarhagna na nei theome leghuni puhi te chaichaghi na teuna, mae tuana thono keli tagna fara.

Nodi Khoje Hatimare Mae Jiu 84:12

Lord God, mae ihei te au nolaghi fateo, iheire te fatutuani nigho iagho re te thofno glealeꞌa nodi fara re.