Nodi Khoje Hatimare Mae Jiu 125:1 - Buka Blahi Ka Cheke Holo

¹ Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Nodi Khoje Hatimare Mae Jiu 125:1 ပူးပေါင်းရင်းမြစ်များ

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Profet Sekaraea 1:17

“Iagho jaola cheke eghu, ‘Igne unha te chekeni Lord mae ihei te au nolaghi fateote'o: nogu namono iara igre ginauna nake famane keli. Iara Lord ginauna nake toghodi naiknodi Jerusalem, eghuteuna vahini namono igne mala nogu iara.’ ”

Nodi Khoje Hatimare Mae Jiu 34:22

Nu Lord na fakarhidi nogna naiknore, eghuteuna iheire te lao poru ka mana re, mana ginauna reireghi fakelidi nei na theome paradi eghu.

Nodi Khoje Hatimare Mae Jiu 25:2

Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.

Ululahu Kronikols 5:20

Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re.

Nodi Khoje Hatimare Mae Jiu 121:1

Iara filo haghe ka thogelero, nu theo kaisei naikno jare te mei togho ghau na.

Nodi Khoje Hatimare Mae Jiu 62:6

Kaisei mana ngala te mala doadofra ghau nei togho ghau teu iara na. Eghuteuna kaisei mana ngala mae ihei te mala bara fothi ghau iara na. Eghume iara gne theome tangomana te nigra ka magra na eghu.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Nodi Khoje Hatimare Mae Jiu 122:1

Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

Profet Maeka 4:2

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla mei Jerusalem, eghuteuna mana ginauna farirhiudi naiknore puhigna mana heva heva.

Profet Isaia 51:16

Iara neke lilisei maloa gne ka thofno mala augna na, eghuteuna lilisei famaku nauthoglu igne. Iara neke cheke eghu ka naikno te au ka namono Jerusalem, ‘Ghotilo nogu naikno iara.’ Iara neke farirhiu ghami ghotilo, eghuteuna iara reireghi ghami ka khamegu iara.”

Nodi Khoje Hatimare Mae Jiu 123:1

Lord God, iara filo haghe ka iagho kligna, ka vido aheva te gnokro teu iagho ka nou sape nafnakno na te funei frunini u nauthoglu igne.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Thakle 14:1

Aonu iara filo tei ne filoni Lam te kegra teu ke kligna gna Thogele Saion, eghuteuna kaisei gobi phiatutu fati thogha naikno kegra neu balugna mana. Nanghadi Lam ghe Kmagna re la kafe auhi ka greredire.

Profet Sekaraea 1:14

Aonu engel igne neke cheke eghu ka iara, “Iagho mala eha fabiꞌo ka Lord mae ihei te au nolaghi fateote'o igne, cheke eghu, ‘Namono Jerusalem te au ke kligna Thogele blahi Saion, nogu namono iara, eghuteuna iara au nogu gaoghatho rheta tagna!

Profet Obadaea 1:21

Maedi Jerusalem igre ginauna tei magra Idom mala hata nodi kantri mare na, eghuteuna mare ginauna funei frunidi mare. Eghuteuna iara Lord thegu ngala nate mae funei biꞌo na.

Nodi Khoje Hatimare Mae Jiu 25:8

Naugna Lord na mae doglo nei mae keli eghu, mana farirhiudi naikno te diꞌa re mala leghuni puhigna mana na.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Profet Isaia 52:1

Dofra haghe ghotilo naiknomi Jerusalem! Farerheta nagnafami are! Ghotilo mala fagae ghami themi ka namono blahi Jerusalem. Naugna naikno bongihehe baludi naikno te theome gae ka tathagna God igre ginauna theome ruma haghe ka namono Jerusalem.

Profet Isaia 51:8

Naiknore ginauna dofidi jateula pohe thona te ghamu khokorosi ra eghu. Nu puhigu iara te doglo te mala toghodi nei atha fapulodi teu naiknore ginauna au fabrahu tifa tifa.”

Profet Isaia 14:32

Jame te kuru mei mare keha mae soldia ka tahati, tahati na cheke eghu ka mare, “Lord neke vahini Jerusalem mala nodi vido keli mala poru nogna naikno teke au papara ra.”

Nodi Khoje Hatimare Mae Jiu 124:1

Ba? Jame te theome togho ghita Lord kau magra na, na faꞌunha eghu tahati ginauna?

Nodi Khoje Hatimare Mae Jiu 46:5

Namono tuana theome tangomana te nghali ba te paꞌe na, naugna God na au baludi naikno te tufru soruni mana ka namono tuana. Kate phage naprai na, mana auhi jare mala toghoni namono tuana.

Profet Isaia 51:11

Naikno teke fakarha fapulodi Lord ra, ginauna nake pulo mei Jerusalem. Eghuteuna kate pulo mare Saion, mare ginauna eha fabiꞌo balu koje naugna mare ne glealeꞌa fara. Mare ginauna theome diꞌanagnafa ba tanhi ka namono igne, naugna mare na glealeꞌa fabrahu kolho.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.

Nodi Khoje Hatimare Mae Jiu 46:6

Kate diꞌatagna God te fnaja fabiꞌo jateula fila teuna, naikno bongihehe ka nauthoglu gne ginauna blalho jateula khoꞌu eghu. Eghuteuna naiknore ginauna mhaghu nodi fara kate nghali te diha nodi namono na.

Nodi Khoje Hatimare Mae Jiu 62:3

Iara theome nheta, iara jateula suga te diꞌa tela namo grofohia eghu kolho. Ba, ghotilo te gnafa na, niha nau ame gnafa nga te magri ghau iara na eghu?

Nodi Khoje Hatimare Mae Jiu 62:7

Kaisei God ngala te tangomana teke hata fapulo ghau nei tusu mei nafnakno teu ka iara na. Mana ngala mae nheta te mala doadofra ghau iara na, mala theome tangomana mae naokare te mei magri ghau iara na.

Proveb 10:25

Narane naꞌau papara ginau mei jateula khoburu eghu mala mei goigonidi naikno te diꞌare. Nu naikno te doglore ginauna kegra heta fabrahu.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Profet Isaia 26:4

Tahati mala rouronu ka Lord fabrahu, naugna Lord na jateula noda Thina rheta mala poru eghu tahati, eghuteuna mana ginauna au fabrahu tifa tifa.