Nodi Khoje Hatimare Mae Jiu 123:3 - Buka Blahi Ka Cheke Holo

³ Lord God, kokhoni mei ghau, naugna ghehati hongo ghami fara ka naikno te maꞌe ghami gre.

Nodi Khoje Hatimare Mae Jiu 123:3 ပူးပေါင်းရင်းမြစ်များ

Nodi Khoje Hatimare Mae Jiu 57:1

God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Nodi Khoje Hatimare Mae Jiu 4:1

God, iara laseni puhimu iagho na, eigna iagho edi koba unha te keli re. Iara jaola lase nigho te taji ghau nei bara fothi ghau teuna. Eghume, kate au iara ka hoholo te kilo ari ka iagho na, iagho kokhoni ghau nei togho ghau eghu iara! Gognarona iagho kokhoni mei ghau iara nei nomhidi eghu nogu tharai gre.

Fapea Samuel 6:16

Kate hata te mei mare Bokis Blahi igne ke lamnagna nogna namono biꞌo mae Devet na, khetogna mae Devet, Mikal thugna mae Sol igne kegra ne filo fakosi ka wida na. Naꞌa ne filoni mae Devet te ghasa nei ragi teu balu kilo fnaknoni nanghagna Lord na. Naꞌa ne theome magnahagheni nafnata puhi te eni mae Devet igne, aonu naꞌa ne diꞌatagna fara ka mana.

Fapea Kings 19:3

Kate filoni mae profet na, mare ne cheke eghu ka mana, “Profet, King Hesekaea neke cheke eghu: Gognarogne kaisei puhi biꞌo thoke ghita tahati, eghuteuna tahati thono mamaja noda fara! Tahati jateula kaisei gaꞌase te namo karha sua, nu theome karha kolho teura eghu.

Thoutonu Eigna Mae Job 19:15

Iheire te mei koba ka sugagu iara tifa ra, gognarona mare theome lase ghau iara. Eghuteuna nogu gaꞌase gloku iara igre gaoghathodi na iara kaisei mae phosa kolho.

Lamentations 3:30

Jame naiknore magnahaghei magrini mae igne ba cheke fadiꞌani eghu mana, keliu kolho, mana tangomana te snakre lao ka mare te eni unha te magnahagheni mare na.

Profet Esikiel 36:6

Naugna te eghu gobigna lepo igre, iagho mala toutonu eigna Israel ka thogele ra, nei ka gukhura, nei ka khoꞌura, nei ka glogura eghu. Iagho toutonu ka mare iara Lord God teke chekeni igne: Iara thono diꞌatagu fara ka nafnata puhi naiknodi keha kantri igre te cheke faparidi namono igre, nei cheke famamaja ghami ghotilo.

Profet Esikiel 36:15

Iara ginauna theome snakredi keha kantri are mala cheke diꞌa ka ghotilo, ba maꞌe ghami ghotilo. Ghotilo thosei mamaja. Eghuteuna iara ginauna theome snakreni te aknu falehe ghotilo thudi nomi naikno ghotilo igre. Igne nogu cheke iara Lord God.’ ”