Nodi Khoje Hatimare Mae Jiu 123:1 - Buka Blahi Ka Cheke Holo

¹ Lord God, iara filo haghe ka iagho kligna, ka vido aheva te gnokro teu iagho ka nou sape nafnakno na te funei frunini u nauthoglu igne.

Nodi Khoje Hatimare Mae Jiu 123:1 ပူးပေါင်းရင်းမြစ်များ

Nodi Khoje Hatimare Mae Jiu 121:1

Iara filo haghe ka thogelero, nu theo kaisei naikno jare te mei togho ghau na.

Nodi Khoje Hatimare Mae Jiu 141:8

Lord God, iara au nogu grouronu biꞌo ka iagho, reireghi fakeli ghau, thosei snakre ghau mala lehe.

Nodi Khoje Hatimare Mae Jiu 25:15

Lord, leuleghu fata na iara filo kolho ka iagho te mala togho ghau na, eghuteuna iagho ke hata fapulo ghau iara ka unha te magnahaghei goigoni ni nakarhagu iara gne.

Nodi Khoje Hatimare Mae Jiu 2:4

Lord gnokro neu ka sape nafnakno kligna na, ne rogna maꞌedi fara nodi nafnata groghe mare igre.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”

Nodi Khoje Hatimare Mae Jiu 11:4

Lord na au ka nogna Sugablahi na. Mana au kligna mala funei frunidi naiknore, eghuteuna tathagna na mana filou ngala ka naiknore. Mana lasedi ngala unha te edi naiknore.

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Nodi Khoje Hatimare Mae Jiu 132:1

Lord God, ghathoni sagho nakarha te ninhigrana tela au telau mae king Devet ke lamnagna igne.

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 130:1

Nogu Lord God, kate eha ari iara na, mei sagho togho ghau iara. Puhi te thoke ghau iara gre thono faglaꞌedi fara gaoghathogu iara na. Jame rioriso soru iagho nakhibomi ghehati gre meuna, ihei gne te tangomana ni nate kegra teu ke ulumu iagho ginauna, te mala theome fateni iagho na?

Nodi Khoje Hatimare Mae Jiu 126:1

Kate atha fapulo ghita Lord agne Jerusalem, tahati gaoghathoda na jateula kaisei mifi eghu kolho.

Nodi Khoje Hatimare Mae Jiu 125:1

Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Nodi Khoje Hatimare Mae Jiu 115:3

Tututani, noda God tahati na au kligna, eghuteuna mana au nolaghi te mala eni unha te magnahagheni mana na.

Nodi Khoje Hatimare Mae Jiu 127:1

Jame te theome totogho Lord ka ihei te loku ka suga na, gloku te eni mana igne theo nafugna kolho. Eghuteuna jame te theome reireghi fakeli Lord balugna mae ihei te reireghi gna nogna namono na glahula mei ruma naokare ka nogna namono na teuna, reireghi te eni mana igne theo nafugna kolho.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Nodi Khoje Hatimare Mae Jiu 134:1

Ghotilo nogna mae gloku Lord te gnafara, ghotilo iheire te loku bongiro ke lamna Sugablahi ra eghu mei kilo fnaknoni mana.

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Nodi Khoje Hatimare Mae Jiu 129:1

Tore! Ghotilo mae Israel ra, toutonu mei si ghotilo! Funu ka narane teke sneka mae ku'edara ka namono Ijep te ghilei mei posa gognaro gne, naugna unha si mae naoka gre te goigoni ghita tahati gnea?

Nodi Khoje Hatimare Mae Jiu 128:1

Keli tadi fara iheire te ghatho tahuni Lord nei leghudi nogna chekere teuna.

Nodi Khoje Hatimare Mae Jiu 124:1

Ba? Jame te theome togho ghita Lord kau magra na, na faꞌunha eghu tahati ginauna?

Nodi Khoje Hatimare Mae Jiu 131:1

Lord God, iara la liliseihi puhi fahaehaghera, nei jaola liliseihi te cheke fahaehaghera eghu. Iara na theome fariuriu edi unha te ninhigrana fara te mala edi iara re, nei mala lasedi unha te ninhigrana naba te mala lasedi iara re.

Nodi Khoje Hatimare Mae Jiu 122:1

Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

Ululahu Kings 8:30

Lord, fanomho mei ka nogu tharai iara nou mae gloku gne, eghuteuna filo mei ka vido igne kate tharai nou naikno gre. Neuba iagho ne au kligna fanomho mei ka nomi tharai gre. Kate fanomho na, iagho hata fadeleidi nakhibomi gre.