Nodi Khoje Hatimare Mae Jiu 122:6 - Buka Blahi Ka Cheke Holo

⁶ Tahati taraidi naikno te au ka namono Jerusalem mala au mare kau pharikeli. Uve, tahati mala tarai eghu agne, “Lord God, jame te keli na iagho toghodi naikno te namha nigho re mala au fakeli.

Nodi Khoje Hatimare Mae Jiu 122:6 ပူးပေါင်းရင်းမြစ်များ

Nodi Khoje Hatimare Mae Jiu 51:18

God, iagho filo kokhoni ghami ghehati naikno te au ka Thogele Saion. Eghuteuna togho mei ghami ghehati mala fakegra hagheni gringni thina biꞌo Jerusalem.

Profet Jeremaea 29:7

Iara neke kuru tei ghami ghotilo ka namono te au ghotilo tuana. Eghume, ghotilo loku heta mala toghoni namono biꞌo tuana mala au fakeli. Ghotilo mala tarai ka iara Lord, eghuteuna iara ginauna fablahini namono tuana. Naugna, jame te au fakeli ghotilo ka namono tuana na, ghotilo ginauna na jaola au fakeli nei jaola au nomi kmana glepo eghu.

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Profet Jeremaea 51:50

Ghotilo maemi Israel te karha nga teura, ghotilo faghose jifla Babilonia! Neuba ghotilo ne au ka vido te khaba fara, te keli na ghotilo ghatho ghau iara Lord, nei ghathoni Jerusalem.” Igne chekegna Lord.

Naba 24:9

Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Efesus 4:3

Tharunga te Blahi na salo fodu ghami ka puhi pharikeli. Hati nhetami na mala au ka puhi tuana ke lamnami.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Fapea Tesalonika 3:16

Iara toreni Lord, mae funei gna pharikeli mala tusu ranghi ghami pharikeli leghu rane nei ka puhi te gnafa. Lord au balumi.

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.

Nehemaea 11:1

Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Nehemaea 11:2

Keha naiknore magnahaghei te tei au Jerusalem, eghuteuna naiknodi Israel igre ne cheke fakelidi mae igre.

Nogna Buka Esta 4:8

Eghuteuna mae Modikae ne hata nogna letas mae Haman igne ne tusu lao ka mae Hatak. Letas igne cheke ranghidi naiknore mala falehedi hui hatimare mae Jiu. Mae Modikae ne cheke ka mae Hatak mala toutonu ka Kuin Esta gobigna lepo igre. Eghuteuna mae Modikae jaola ne cheke ka mana mala tei Kuin Esta mala toreni King mala kokhonidi nei toghodi eghu naikno Jiu igre.

Profet Isaia 62:7

Tutuani, mare na theome gnafa ghilei ke eni fapulo Lord namono biꞌo Jerusalem. Ka puhi igne, naikno te gnafa ka nauthoglu igne ginauna ghatho tahuni namono biꞌo igne.”

Profet Isaia 66:10

Ghotilo iheire te magnahagheni Jerusalem fara ra, ghotilo eha nei glealeꞌa eghu. Ghotilo iheire te tanhi nei diꞌanagnafa teu eigna namono igne ra, gognarona ghotilo glealeꞌa nomi fara tagna.