Nodi Khoje Hatimare Mae Jiu 120:4 - Buka Blahi Ka Cheke Holo

⁴ Papara igne ginauna na thono diꞌa fara, na jateula nodi jata fnonu hatimare mae soldia te fada susuplu thinimi ghotilo ra na eghu. Eghuteuna ghotilo ginauna kabru ghemi ka papara igne jateula u khaꞌaghi te thunu ra na eghu ka ghotilo.

Nodi Khoje Hatimare Mae Jiu 120:4 ပူးပေါင်းရင်းမြစ်များ

Proveb 19:9

Chaghi ka fate na, iagho ginauna au papara. Te chaghi fabrahu na, iagho ginauna lehe.

Proveb 18:21

Glapi na tangomana te falehe nigho ba fakarhi nigho. Nu jame te reireghi fakelini iagho glapimu na, iagho ginauna na theome lehe.

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Proveb 16:27

Mae te diꞌa na magnahaghei te eni puhi te diꞌa na. Eghuteuna nogna cheke re brana jateula khaꞌaghi eghu.

Nodi Khoje Hatimare Mae Jiu 45:5

Nou jata iagho te fnonu na ginauna churu ka thinidi nou naokare ghilei tei posa ka nagnafadire. Eghuteuna maedi ka keha kantri are ginauna pogho soru ke ulumu iagho.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Proveb 12:22

Lord na theome magnahagheni mae ihei te fodu chaichaghi ka foflogna na. Nu keli tagna ka mae ihei te cheke kate tutuani fabrahu.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Proveb 11:12

Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Proveb 11:9

Cheke gna ihei te theome ghatho tahuni God na, goigoni ni mae kheragna na. Nu gaoghatho te keli na, tangomana te fakarhini naikno te doglo na.

Nodi Khoje Hatimare Mae Jiu 59:7

Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Nodi Khoje Hatimare Mae Jiu 52:5

Nu God ginauna na tapla soru nigho mala theome tangomana iagho teke kegra haghe na. Mana ginauna na loku famaku nigho, nei na khi fajifla nigho ka nou suga na. Eghuteuna mana ginauna na koko soru nigho kau namonodi iheire te au ka glehe ra.

Nodi Khoje Hatimare Mae Jiu 7:13

Eghuteuna nogna jata khaꞌaghi na mana la kulu tarabana lauhi. Mana la kulu louloku lauhi nogna glepo mala magra igre ka khamegna na.

Proveb 18:8

Tahati magnahaghei fanomho fara ka mae te buiburi naikno na. Nafnata cheke igne jateula gano te famane mamahe fara te magnahagheni tahati ia eghu.

Profet Jeremaea 9:7

Eghume, igne unha te chekeni Lord mae ihei te au nolaghi fateote'o na, “Iara ginauna koko thonadi nogu naiknore, jateula mae ihei te gahu ka khaꞌaghi te mala koko thonagna silva ia eghu. Iara eni igne, naugna mare ne tapla jafra ka nakhibo.