Nodi Khoje Hatimare Mae Jiu 12:5 - Buka Blahi Ka Cheke Holo

⁵ Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Nodi Khoje Hatimare Mae Jiu 12:5 ပူးပေါင်းရင်းမြစ်များ

Nodi Khoje Hatimare Mae Jiu 34:6

Iara gne theo ihei nga te kokhoni ghau na, nu kate tore iara na, Lord nomhi ghau iara ne togho ghau iara ne atha fadeleidi puhigu iara re.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Jemes 5:4

Fanomho mei ka iara ghotilo ia! Igne keha fagaglana eigna puhi te salo fodu sileni ghotilo malami themi kolho na. Ghotilo chaghidi nei theome tabadi eghu kolho nomi mae glokure. Eghuteuna God mae ihei te nolaghi na ngala te nomhidi nodi natanhi nei diꞌanagnafa teu nomi mae gloku ghotilo re.

Profet Isaia 33:10

Lord ne cheke eghu ka nogna naiknodi keha kantri re, “Gognarona iara falase ari ka ghotilo iara te au nolaghi fateoteꞌo na, eghuteuna naikno te gnafa ka nauthoglu igne ginauna cheke fakeli ghau iara.

Thoutonu Eigna Mae Job 5:15

Nu God fakarhidi iheire te kuma ka nodi cheke te diꞌa iheire te theome keli puhidi re. Eghuteuna iheire te theo nodi glepo, God fakarhidi naikno igre ka khamedi iheire nheta fara.

Nodi Khoje Hatimare Mae Jiu 10:12

God, mei sagho. Iagho mei mala fapuhini mae igne. Ghathodi sagho naikno te au kokhonidi igre.

Thoutonu Eigna Mae Job 5:21

God ginauna fakarhi nigho ka mae iheire te mala goigoni nigho teu te chaghi nigho are. Iagho thosei mhaghu, eigna mana ginauna fakarhi nigho kate thoke mei puhi biꞌo ka iagho na.

Profet Isaia 19:20

Olta nei thina biꞌo teu igre jateula kaisei fagaglana eghu eigna Lord mae ihei te au nolaghi fateote'o igne te au ke lamnagna kantri Ijep. Eghuteuna jame te tanhi lao ka Lord naiknodi Ijep igre mala toghodi ka hoholo kate au ke paridi nodi nolaghi naiknodi keha kantri igre teuna, Lord ginauna kuruni kaisei mae mala tei fakarhidi.

Profet Esikiel 18:18

Nu naugna kmagna mana igne paradi koba naikno re, nei blau koba, nei edi koba glepo diꞌa re ka nogna naikno re, eghume mae kmagna mana igne ginauna mala lehe ka nakhibogna thegna re.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Nodi Khoje Hatimare Mae Jiu 10:18

Iagho ginauna na nomhidi nodi natanhi goro sua te glehe kokoi nei iheire te au kokhonidi. Iagho ginauna toghodi nei tapla sorudi naikno te diꞌa igre. Te eghu na naikno nogna nauthoglu igne ginauna nake theome eni kaisei puhi te diꞌa ka mare.

Nodi Khoje Hatimare Mae Jiu 10:5

Nu God, iagho theome fateni kolho mana! Mae te diꞌa igne theome magnahaghei te pari ka nogna chekere. Mana cheke fadiꞌadi nei maꞌedi eghu nogna naokare.

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Nodi Khoje Hatimare Mae Jiu 31:19

Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Nodi Khoje Hatimare Mae Jiu 73:8

Mare maꞌedi naikno te doglo puhidire, eghuteuna mare chekedi ngala glepo te diꞌare. Mare thono fahaehaghedi fara, eghuteuna mare loku ka majora na malagna te goigonidi keha naiknore.

Proveb 18:21

Glapi na tangomana te falehe nigho ba fakarhi nigho. Nu jame te reireghi fakelini iagho glapimu na, iagho ginauna na theome lehe.

Profet Hosia 7:16

Ka narane te au ka hoholo na, mare tirodi mei ka iara mae ihei te au nolaghi te mala toghodi na. Thono theo fara. Mare tei tore thotogho ka unha te theo kaisei nanheta tadire. Mare jateula phaloho te blogho te theome naba te mala fada gano ra eghu. Naugna nodi mae mala baubature cheke fahaehaghe eigna nodi nanheta na, eghuteuna mare ginauna lehe ka magra, eghuteuna naiknodi Ijep ginauna maꞌedi kolho mare.”