Nodi Khoje Hatimare Mae Jiu 12:1 - Buka Blahi Ka Cheke Holo

¹ God, iagho togho mei ghami. Naugna gognaro na iagho theome tangomana te filoni kaisei naikno te keli te au teu agne na. Theo kaisei naikno te leghu nigho fabrahu.

Nodi Khoje Hatimare Mae Jiu 12:1 ပူးပေါင်းရင်းမြစ်များ

Profet Jeremaea 5:1

Lord ne cheke eghu, “Ghotilo chari tafri ka nabrou biꞌo nei ka glalaba te gnafa ka namono biꞌo Jerusalem. Jame te filoni ghotilo kaisei mae te lase cheke tutuani nei eni unha puhi te doglo teuna, iara ginauna atha fadelei nakhibomi ghotilore.

Profet Isaia 57:1

Ka narane igne, naikno te doglo te lehe, nu theo kaisei ka naikno te diꞌa te filo glanidi ba nangadi kolho. Uve, Lord ginauna atha fadelei naikno te ghatho tahuni mana igre. Nu theo kaisei naikno kolho te filo glani Lord teke atha fadeleidi naikno igre, mala theo kaisei puhi biꞌo nate thokedi mare.

Matiu 24:12

Ginauna kmana kmana nakhibo. Eghuteuna namha teke brana ka nagnafadi naikno te kmanare ginauna nake rifu.

Profet Isaia 63:5

Iara thofno jaglo nogu fara te theo kaisei te mei togho ghau iara na. Nu diꞌatagu iara igne te farheta ghau iara na mala uludi iara thegu mae naoka igre.

Nodi Khoje Hatimare Mae Jiu 6:1

Lord, neubane diꞌatamu iagho ka iara, iagho thosei cheke fabiꞌo ghau nei para ghau eghu iara.

Proveb 20:6

Kmana mae chekeni iagho tangomana te rouronudi mare. Nu ninhigrana fara te deni iagho nafnata mae ihei iagho tangomana te rouronuni na.

Matiu 8:25

Mae fanomhore tei ka mana ne fadofrani mana, ne cheke eghu, “Lord, fakarhi ghita sagho, tahati gne na lodu knoho!”

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Nodi Khoje Hatimare Mae Jiu 54:1

God iara toreni u nou nolaghi iagho na mala fakarhi ghau ka khamedi naikno te diꞌa gre. God, mei fakarha ghau iara.

Nodi Khoje Hatimare Mae Jiu 6:4

Lord, mei hata fapulo ghau. Eigna iagho kaisei mae mala lolokeli fara, fakarhi ghau kau glehe.

Nodi Khoje Hatimare Mae Jiu 3:7

Nogu Lord, mei fakarhi ghau. Iagho nabamu te magridire nogu naoka iara igre! Tapla sorudi nodi nolaghi naikno te diꞌa igre!

Matiu 14:30

Nu kate filoni mae Pita nuri blahi nei galo teuna, mana mhaghu fara ne funu plulu soru. Mana ne eha eghu fabiꞌo ka mae Jisas, “Lord, fakarhi ghau!”

Profet Isaia 59:4

Theo kaisei ka ghotilo te fate naikno ka puhi te doglo na. Kate tei ka fate na, ghotilo edi thua nafnata cheke chaichaghi fateote'o. Leuleghu fata na, ghotilo leghudi kolho nomi gaoghatho themi te mala goigonidi keha naiknore.