Nodi Khoje Hatimare Mae Jiu 119:99 - Buka Blahi Ka Cheke Holo

⁹⁹ Tutuani, iara ghathodi fabrahu nou cheke iagho re, eghume iara atha gaoghatho te keli fara uludi nodi gaoghatho mae nogu velepuhi re.

Nodi Khoje Hatimare Mae Jiu 119:99 ပူးပေါင်းရင်းမြစ်များ

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Nodi Khoje Hatimare Mae Jiu 119:24

Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.

Hibru 5:12

Ghotilo naikno khiloaumi funu tifahi, eghuteuna ghotilo jame nabamihi te velepuhi na. Nu nabagna na kaisei mae ke pulo mei mala farirhiu ghami ghotilo eidi glepo ulu lahu teke nomhidihi ghotilo eigna mae Kraes. Ghotilo jateula sua te chuꞌu teu kolho te theome naba te ghamu gano te maku ia eghu puhimire.

Profet Jeremaea 2:8

Hatimare mae pris theome ghatho ghau iara. Mae te lasedi nogu farirhiu iara igre theome lase ghau iara. Hatimare mae mala baubatu igre figri tagru ghau iara. Eghuteuna hatimare mae profet igre jaola cheke fakelini nanghagna god Baal. Mare pogho soru ka mumuju god te theo nafugna igne.”

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Nodi Khoje Hatimare Mae Jiu 119:15

Leuleghu fata na iara hirodi koba u gaoghathodi nou cheke iagho re, nei leghudi fabrahu eghu nou farirhiu iagho re.