Nodi Khoje Hatimare Mae Jiu 119:97 - Buka Blahi Ka Cheke Holo

⁹⁷ Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!

Nodi Khoje Hatimare Mae Jiu 119:97 ပူးပေါင်းရင်းမြစ်များ

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Proveb 2:10

Uve, iagho ginauna na lalase, eghuteuna iagho ginauna gleꞌani nou glalase tuana.

Nodi Khoje Hatimare Mae Jiu 119:159

Lord God, iara magnahaghedi fara nou famane cheke iagho ra. Fakarhi ghau iara sagho, naugna nou namha iagho ranghi ghau iara na thono biꞌo fara.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Nodi Khoje Hatimare Mae Jiu 119:48

Iara ghatho tahudi fara nou cheke iagho re te thono magnahaghedi fara iara te leghudire. Eghuteuna iara ginauna ghathodi fara nou farirhiu iagho re.

Nodi Khoje Hatimare Mae Jiu 119:167

Iara leghudi koba nou farirhiu iagho re, eghuteuna ka gaoghathogu fateote'o na iara magnahaghei fara te leghudire eghu.

Nodi Khoje Hatimare Mae Jiu 119:165

Iheire te magnahaghedi fara nou famane farirhiu iagho re, mare au fakeli nodi, nei theo kaisei glepo te diꞌa te thoke mei ka mare na.

Nodi Khoje Hatimare Mae Jiu 119:127

Iara thono magnahagheni fara nou famane farirhiu iagho igne ke uludi sileni te gnafa ka nauthoglu igne.

Diutronomi 17:19

Mana mala tathaji nei iuꞌiju eghu fabrahu ka buka igne, mala tangomana mana te ghatho tahuni Lord nogna God na kate leghudi fabrahu mana vetula nei farirhiu teu te chekedi ka buka igne.

Nodi Khoje Hatimare Mae Jiu 119:113

Lord God, iara thono magnahaghedi fara nou famane farirhiu iagho ra, nu iara theome magnahaghedi iheire te tirodi leghu nigho re.

Proveb 18:1

Mae te ghamu nhoto na ghathoni thegna kolho, eghuteuna mana tirognani gaoghatho te keli na.

Nodi Khoje Hatimare Mae Jiu 119:15

Leuleghu fata na iara hirodi koba u gaoghathodi nou cheke iagho re, nei leghudi fabrahu eghu nou farirhiu iagho re.

Nodi Khoje Hatimare Mae Jiu 119:47

Iara keli tagu fara leghudi nou cheke iagho igre, naugna igne unha te thono magnahagheni fara te mala eni iara na.