Nodi Khoje Hatimare Mae Jiu 119:89 - Buka Blahi Ka Cheke Holo

⁸⁹ Lord God, chekemu iagho na ginauna au fabrahu tifa e tifa. Uve, ginauna na au fabrahu kligna tifa e tifa.

Nodi Khoje Hatimare Mae Jiu 119:89 ပူးပေါင်းရင်းမြစ်များ

Ululahu Pita 1:25

Nu chekegna Lord na ginauna au fabrahu tifa tifa.” Eghuteuna igne cheke te toutonuni mare ka ghotilo na.

Matiu 5:18

Nu tutuani fara te chekeni iara ka ghotilo na, kate au nga teu nauthoglu ghe maloa gre baludi gobigna lepo igre, ginauna theome hata koko kaisei phugra cheke ikoi kau nogna vetula mae Moses na, ghilei horoghoto ka gaoghathodire.

Nodi Khoje Hatimare Mae Jiu 119:160

Nou cheke iagho re tutuani fabrahu funu tifa, eghuteuna puhimu iagho te fatedi naiknore thono doglo fabrahu.

Nodi Khoje Hatimare Mae Jiu 119:152

Iara lasedi mei ngala nou farirhiu iagho re funu tifa. Uve, iagho neke edi farirhiu igre mala au fabrahu tifa tifa.

Nodi Khoje Hatimare Mae Jiu 89:2

Iara laseni nou namha biꞌo iagho na ginau au fabrahu, eghuteuna puhi te tajini iagho nou nhaꞌa cheke na igne jateula maloa te au fabrahu ana eghu.

Fapea Pita 3:13

Nu God neke nhaꞌa chekehi mala ke hohoro maloa majaghani nei nauthoglu majaghani, eghuteuna jare nate au naikno te doglore. Eghume tahati ofou kolho mala filodi glepo te majaghani igre.

Nodi Khoje Hatimare Mae Jiu 111:7

Puhigna mana na thono tutuani fara nei doglo eghu. Tahati nabada te fatutuanidi nei leghudi teu nogna vetula mana re.

Nodi Khoje Hatimare Mae Jiu 111:8

Nogna vetula mana te tutuani fara nei doglo teu igre ginauna au fabrahu tifa e tifa.

Profet Isaia 40:8

Uve, buburu na tangomana te gnhagha na, eghuteuna chechenge na tangomana te khoko pari na, nu chekegna noda God na ginauna au fabrahu tifa tifa.”