Nodi Khoje Hatimare Mae Jiu 119:43 - Buka Blahi Ka Cheke Holo

⁴³ Iagho neke chekeni te mala fakarhi ghau iara na eghuteuna iara fatutuani nigho iagho nate eni ngala igne na. Thosei fakmu ghau iara te cheke eigna iagho te tajini nou nhaꞌa cheke na te mala toghodi nou naiknore.

Nodi Khoje Hatimare Mae Jiu 119:43 ပူးပေါင်းရင်းမြစ်များ

Nodi Khoje Hatimare Mae Jiu 9:4

Tutuani fara, kate fateni iagho naikno na, puhimu iagho na thono doglo fara. Eghuteuna kate fate ghau iara na, iagho theome filoni kaisei najafra ka iara.

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.

Efesus 1:13

Ghotilo jaola mala nogna naikno God kate nomhini thofno farirhiu te tutuani igne, u Nonomho te Keli eigna u thofno nakarha te malami ghotilo. Kate fatutuani ni ghotilo Kraes na, God neke tusu ranghi ghami mae Tharunga te Blahi teke nhaꞌa chekeni mana na, mala laseni ghotilo te nogna naikno mana re.

Nodi Khoje Hatimare Mae Jiu 119:175

Tusu mei sagho u nakarha na ka iara mala cheke fakeli nigho iara. Iara magnahagheni chekemu iagho na te togho ghau iara na.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Nodi Khoje Hatimare Mae Jiu 119:52

Lord God, kate ghathodi iara nou vetula iagho teke au funu tifa teke mei igre na, iara gaoghathogu na ne keli fabrahu.

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Nodi Khoje Hatimare Mae Jiu 50:16

Nu God ne cheke eghu ka naikno te diꞌa re, “Mala unha si ghotilo te iju polodi nogu vetula iara grea? Mala unha si ghotilo te toutonudi nogu nhaꞌa cheke iara teke edi iara ka mae kuꞌemi ghotilo tifa ra? Ghotilo mae chaichaghi kolho.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Profet Isaia 59:21

“Igne nogu nhaꞌa cheke iara na: Iara lisei soru Tharungagu na ka ghotilo, eghuteuna iara neke tusu arihi ka ghotilo nogu farirhiu ra. Eghuteuna phei glepo igre, Tharunga ghe Farirhiu ginauna au fabrahu balumi ghotilo. Phei glepo igre ginauna na au fabrahu baludi thumi ghotilore, eghuteuna jaola au baludi iheire nate karha mei ke leghumi ghotilore tifa tifa.” Igne chekegna Lord.

Nodi Khoje Hatimare Mae Jiu 119:74

Kate filo mei ghau iara iheire te ghatho tahu nigho re, mare ginauna keli fara, naugna iara ne fatutuani ni chekemu iagho te tutuani na.

Nodi Khoje Hatimare Mae Jiu 119:81

Lord God, iara ofo nigho te mala fakarhi ghau na la ghilei glaꞌe soru. Neubane eghu ngau, iara fatutuanidi kolho nou cheke iagho re.

Nodi Khoje Hatimare Mae Jiu 119:114

Kaisei iagho ngala nogu vido te keli te mala poru iara na. Eigna iara thofno fatutuanidi nou cheke iagho te tutuani re.

Nodi Khoje Hatimare Mae Jiu 119:147

Ame haghe nga naprai na teuna, iara kilo nigho mala mei fakarhi ghau. Leuleghu fata na iara fatutuanidi fabrahu nou cheke iagho te tutuanire.