Nodi Khoje Hatimare Mae Jiu 119:39 - Buka Blahi Ka Cheke Holo

³⁹ Fakarha ghau iara sagho ka nafnata cheke te diꞌa te edi iheire te magnahaghei te tapla fapari ghau iara igre. Naugna te keli na iagho paradi naikno te edi puhi te diꞌa tuare.

Nodi Khoje Hatimare Mae Jiu 119:39 ပူးပေါင်းရင်းမြစ်များ

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.

Ululahu Timoti 3:7

Puhigna mana na mala doglo fabrahu mala tangomana naikno te theome fatutuanire te ghatho tahuni mana na. Jaola naiknore ginauna theome filo faparini mana nei mae Satan ginauna jaola theome sagu nila mana.

Nodi Khoje Hatimare Mae Jiu 119:22

Thosei snakredi sagho naikno te diꞌa puhidire are mala maꞌe ghau nei cheke fadiꞌa ghau eghu iara, naugna iara ne leghudi koba nou farirhiu iagho re.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Letas Teke Riso Tei Mae Pol Ka Khiloau Rom 2:2

Tahati laseni God na doglo fara kate fatedi naikno te edi koba nafnata glepo te diꞌa igre.

Nodi Khoje Hatimare Mae Jiu 57:3

Mana na au kligna, mana ginauna na nomhini nogu tharai iara na, eghuteuna mana ginauna fakarhi ghau iara. Mana ginauna na famamajadi iheire te magnahaghei mei goigoni ghau iara re. Tutuani fara, God na magnahaghei ghau iara fabrahu, nei theome tei koko ghau iara eghu.

Nodi Khoje Hatimare Mae Jiu 39:8

Hata fapulo ghau nei hata kokodi eghu nakhibogu gre. Thosei snakredi naikno te fameomekro are mala maꞌe ghau iara.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Profet Isaia 26:8

Uve, ghehati thofno leghuni fara nou vetula iagho na. Glepo ulu te magnahagheni ghehati na, naiknore mala ghatho tahuni nanghamu iagho na.

Nodi Khoje Hatimare Mae Jiu 119:131

Iara thono magnahaghedi fara nou cheke iagho re, jateula naikno te roi koꞌu te salaꞌui ia eghu.

Nodi Khoje Hatimare Mae Jiu 119:123

Iagho neke nhaꞌa chekehi te mala fakarhi ghau iara na, eghume, iara filo ofoniu unha teke nhaꞌa chekeni iagho ia nate tutuani na la ghilei kabru tathagure.

Nodi Khoje Hatimare Mae Jiu 119:75

Lord, God, iagho fatedi naiknore ka puhi te doglo. Uve, iagho para ghau iara eidi nakhibogu iara re, naugna iagho ne tajini nou nhaꞌa cheke na.

Nodi Khoje Hatimare Mae Jiu 119:43

Iagho neke chekeni te mala fakarhi ghau iara na eghuteuna iara fatutuani nigho iagho nate eni ngala igne na. Thosei fakmu ghau iara te cheke eigna iagho te tajini nou nhaꞌa cheke na te mala toghodi nou naiknore.

Nodi Khoje Hatimare Mae Jiu 119:31

Lord God, thosei snakredi naikno gre mala famamaja ghau iara, naugna iara leghudi koba nou farirhiu iagho ra.

Nodi Khoje Hatimare Mae Jiu 119:20

Leuleghu fata na iara magnahaghei fara te lasedi nou vetula iagho re.

Nodi Khoje Hatimare Mae Jiu 19:9

Ihei te ghatho tahuni Lord na mana eni puhi te keli na, eghuteuna puhi igne ginauna au fabrahu ka mana. Gaoghathogna Lord na thofno keli fara, eghuteuna mana ginauna kafe fate ghita gnafa ka puhi te doglo.

Fapea Samuel 12:14

Nu puhimu iagho te diꞌa igne naoka ranghini Lord nei theome ghatho tahuni mana. Naugna igne thumu iagho te karha ka Batseba igne ginauna lehe.”

Diutronomi 4:8

Eghuteuna keha kantri igre, neuba mare ne au nolaghi jateula unha neu, nu mare theome au kaisei vetula te thofno famane doglo jateula vetula te farirhiu ghami iara gognaro gre.

Proveb 25:10

Ihei te nomhini puhi igne na, mare ginauna cheke fapari nigho iagho, eghuteuna iagho ginauna mamaja nou fabrahu.