Nodi Khoje Hatimare Mae Jiu 119:30 - Buka Blahi Ka Cheke Holo

³⁰ Tutuani, iara neke kulu vahinihi te mala leghu nigho na, nei iara la lasedihi nou vetula iagho ra.

Nodi Khoje Hatimare Mae Jiu 119:30 ပူးပေါင်းရင်းမြစ်များ

Proveb 1:29

Ghotilo tiromi hata glalase te keli, nei tiromi ghatho tahuni Lord.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Nodi Khoje Hatimare Mae Jiu 119:29

Togho ghau iara sagho, mala leghudi iara nou cheke nei vetula. Naugna iara theome magnahaghei te leghudi puhidi naikno te theome ghatho tahu nighore.

Ululahu Pita 2:2

Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.

Fapea Jone 1:4

Iara thofno keli tagu fara te filodi keha thumu iagho te thofno leghuni nabrou te tutuani, jateula mae Mama teke cheke ranghi ghita.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:24

Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Jone 8:45

Nu iara chekeni ka ghotilo u glepo tutuani na. Naugna igne ghotilo theome fatutuanidi unha te chekedi iara re.

Nodi Khoje Hatimare Mae Jiu 119:173

Tarabana kobau sagho mala mei togho ghau iara, naugna iara ne leghudi nou famane vetula iagho gre.

Nodi Khoje Hatimare Mae Jiu 119:52

Lord God, kate ghathodi iara nou vetula iagho teke au funu tifa teke mei igre na, iara gaoghathogu na ne keli fabrahu.

Diutronomi 6:6

Ghotilo mala au gaoghathomi fabrahu ka cheke te tusu ari iara ka ghotilo gognarogne.

Nodi Khoje Hatimare Mae Jiu 18:22

Iara ghaoghathoni fabrahu nogna vetula mana na. Eghuteuna iara neke theome huhughuni nogna famane cheke mana na.

Nodi Khoje Hatimare Mae Jiu 18:23

Mana laseni te theome eni iara kaisei najafra na. Iara fiofilo fakelini nathaplagu na, glahula eni iara kaisei najafra.