Nodi Khoje Hatimare Mae Jiu 119:24 - Buka Blahi Ka Cheke Holo

²⁴ Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.

Nodi Khoje Hatimare Mae Jiu 119:24 ပူးပေါင်းရင်းမြစ်များ

Nodi Khoje Hatimare Mae Jiu 119:92

Iara thofno keli tagu fara kate ghathoni iara nou vetula iagho na. Eghume, kate para ghau nogu naokare, iara theome nigra nei lehe eghu naugna iara ghatho nigho iagho kolho.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Nodi Khoje Hatimare Mae Jiu 119:16

Leuleghu fata na iara keli tagu fara ka nou vetula iagho na, eghuteuna iara ginauna na theome ghatho kokodi nou cheke iagho re.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Nodi Khoje Hatimare Mae Jiu 119:162

Iara keli tagu fara ka nou cheke iagho te tutuani gre. Uve, iara keli tagu fara, jateula mae ihei teke atha kmana glepo te keli ka vido te uluni magra ra eghu.

Nodi Khoje Hatimare Mae Jiu 119:143

Iara thoke ghau puhi biꞌo nei naꞌau papara eghu, nu nou cheke iagho na ngala te faglealeꞌa ghau iara na.

Nodi Khoje Hatimare Mae Jiu 119:77

Iara thofno magnahagheni fara nou vetula iagho na. Eghume, kokhoni ghau iara na mala athini iara u karha na.

Profet Jeremaea 6:10

Nu iara na cheke eghu, “Lord, ka ihei nate toutonuni iara na? Eghuteuna ihei nate fanomho ka chekegu iara na? Iara neke toutonuhi ka mare, nu mare tirodi fanomho neke fofotho khulidire. Mare jateula mae bongihehera eghu tirodi nomhini kaisei cheke te mei funu ka iagho na.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Thoutonu Eigna Mae Job 27:10

Eghu naugna, mae te diꞌa igne mana theome kelitagna ka God mae ihei te au nolaghi fateote'o igne, eghuteuna mana theome tarai koba ka God.