Nodi Khoje Hatimare Mae Jiu 119:2 - Buka Blahi Ka Cheke Holo

² Naikno te leghudi nogna farirhiu mana re, nei leghuni mana teu ka nagnafadi fateote'o re, mare keli tadi fara.

Nodi Khoje Hatimare Mae Jiu 119:2 ပူးပေါင်းရင်းမြစ်များ

Profet Jeremaea 29:13

Eghuteuna jame te hiro ghau iara ghotilo ka gaoghathomi fateote'o nei ka nomi glalase fateote'o teuna, ghotilo ginauna filo ghau iara.

Nodi Khoje Hatimare Mae Jiu 119:10

Ka nagnafagu fateote'o na, iara magnahagheni te mala leghu nigho na, togho ghau iara sagho mala leghudi iara nou cheke iagho re.

Diutronomi 4:29

Nu ka keha namonore ghotilo ginauna hironi Lord nomi God. Eghuteuna jame te ghaoghatho fakeli ghotilo ka nomi glalase fateote'o te hironi mana na, ghotilo ginauna tangomana te filo deni mana na.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Nodi Khoje Hatimare Mae Jiu 25:10

God na tutuani ranghidi nei namhadi eghu koba naikno te leghudi nogna nhaꞌa cheke nei nogna vetula teure.

Profet Esikiel 36:27

Iara ginauna lisa soru Tharunga te Blahi na ka ghotilo, eghuteuna iara ginauna togho ghami ghotilo mala leghudi nogu vetula iara ra, eghuteuna tajidi nogu cheke iara teke tusu ari ka ghotilora.

Proveb 23:26

Thuguo, iagho famane fanomho fakeli ka iara. Leghuni kolho puhigu iara gne.

Diutronomi 6:17

Leuleghu fata na ghotilo mala thofno leghudi nogna cheke Lord, nei farirhiu nei vetula eghu teke tusu ari mana ka ghotilo ra.

Fapea Kronikols 31:21

Ka gloku te gnafa te edi King Hesekaea te toghoni nogna Sugablahi Lord na igre nei leghu fakelidi nogna vetula nei nogna cheke teu Lord re, mana hironi nogna God na nei mana thofno kelitagna fara te eni gloku igne. Naugna igne gobigna lepo te edi mana re thofno keli fara.

Ululahu Kings 2:3

Eghuteuna iagho mala eni unha te chekeni nou Lord God na. Iagho leghudi nogna vetula nei nogna cheke teu mana te rioriso soru ka nogna buka mae Moses ra. Jame te edi iagho glepo igre na, neuba iagho ne tei au delei, nou gloku iaghore ginauna thofno keli fara.

Nodi Khoje Hatimare Mae Jiu 105:45

Mana neke eni igne ka nogna naiknore mala leghudi mare nogna vetulare. Eghuteuna mare ne leghudi nogna farirhiu mana re. Tahati kilo fnaknoni Lord!

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Nodi Khoje Hatimare Mae Jiu 119:22

Thosei snakredi sagho naikno te diꞌa puhidire are mala maꞌe ghau nei cheke fadiꞌa ghau eghu iara, naugna iara ne leghudi koba nou farirhiu iagho re.

Nodi Khoje Hatimare Mae Jiu 119:146

Iara kilo mei nigho fabrahu mala fakarhi ghau, mala tangomana iara te tajidi nou famane farirhiu iagho ra.

Ululahu Kronikols 22:19

Eghume, gognarona ghotilo kaisei gaoghatho ngala mala leghuni gaoghathogna Lord nomi God. Gognarona ghotilo fufunu loku ka Sugablahi te mala cheke fakelini nanghagna Lord, eghuteuna ghotilo ginauna tangomana te hata te mei lilisei nogna Bokis Nhaꞌa Cheke Lord nei keha glepo blahi ra eghu ke lamnagna.”

Nodi Khoje Hatimare Mae Jiu 119:17

God, iara magnahaghei nigho iagho te reireghi fakeli ghau iara nou mae gloku gne mala karha fakeli iara te mala leghudi nou cheke iagho re.

Nodi Khoje Hatimare Mae Jiu 119:33

Lord God, falase ranghi ghau gaoghathodi nou vetula iagho gre mala leghu fabrahudi iara.

Nodi Khoje Hatimare Mae Jiu 119:34

Togho ghau mala lase fakelidi iara nou farirhiu iagho gre, aonu iara ginauna leghudi nou farirhiu gre ka nakarhagu fateote'o na.

Nodi Khoje Hatimare Mae Jiu 119:57

Lord God, kaisei iagho ngala te tusu mei ka iara u karha na, eghume iara nhaꞌa cheke mala leghudi nou cheke iagho re.

Nodi Khoje Hatimare Mae Jiu 119:69

Naikno te fahaehaghe fara igre toutonu chaichaghi eigu iara, nu ka gaoghathogu fateote'o iara na, iara leghudi fabrahu kolho nou famane cheke iagho ra.

Nodi Khoje Hatimare Mae Jiu 119:88

Iagho theome snakre ghau iara te lehe na, naugna iagho ne namha ghau iara fara. Eghume iara tangomana te leghudi nou vetula iagho re.

Nodi Khoje Hatimare Mae Jiu 119:101

Iara theome magnahaghei te leghuni puhi te diꞌa na naugna iara magnahaghei te leghuni kolho chekemu iagho na.

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.