Nodi Khoje Hatimare Mae Jiu 119:165 - Buka Blahi Ka Cheke Holo

¹⁶⁵ Iheire te magnahaghedi fara nou famane farirhiu iagho re, mare au fakeli nodi, nei theo kaisei glepo te diꞌa te thoke mei ka mare na.

Nodi Khoje Hatimare Mae Jiu 119:165 ပူးပေါင်းရင်းမြစ်များ

Profet Isaia 32:17

Eghuteuna naugna te leghuni mare puhi te doglo na, mare ginauna au fabrahu ka pharikeli, eghuteuna mare ginauna au fakeli fabrahu na theome ghathoni kaisei glepo.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Filipae 4:7

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Proveb 3:23

Uve, iagho ginauna tei fakeli ka nabrou, eghuteuna thatablamu iagho na ginauna na theome pitukogra.

Proveb 3:17

Gaoghatho te keli na ginauna faglealeꞌa nigho fabrahu, eghuteuna tusu ranghi nigho pharikeli.

Ululahu Jone 2:10

Mae ihei te namhani kheragna fofodu na, mana au kate phae, eghuteuna jare na theo kaisei nafugna te mala eni mana kaisei najafra na.

Profet Isaia 57:21

Uve, pharikeli na theome au ka nagnafadi nafnata naikno te diꞌa igre.” Igne chekegna Lord nogu God.

Profet Isaia 28:13

Naugna igne nogna cheke Lord na ginauna na jateula mae ihei te farirhiudi goro sua ikodi te mala chekedi glepo tuarola eghu fabrahu kolho. Igne na thono bligi fara te mala nomhi fakelini mare na. Nu neuba, mare na theome leghuni kolho farirhiu igne. Naugna igne, mare snoꞌo ke lamnagna nodi phighoro hatimare mae naoka, eghuteuna mare theome tangomana te rikha na.

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Profet Isaia 57:14

Naiknore ginauna nomhini nogna cheke Lord igne, “Ghotilo naiknora! Ghotilo tarabana fakeli nabrou igne mala ke pulo mei nogu naikno iara ra. Ghotilo atha fadelei glepo te fanogradi mare igre mala ke pulo mei mare ka iara.”

Nodi Khoje Hatimare Mae Jiu 119:56

Iara kelitagu fara kate leghudi iara nou famane cheke iagho ra.