Nodi Khoje Hatimare Mae Jiu 119:161 - Buka Blahi Ka Cheke Holo

¹⁶¹ Lord God, hatimare mae naoka gre fiti fakokhoana ghau iara kate theo nafugna kolho. Nu iara leuleghu fata na iara ghatho tahuni kolho nou cheke iagho te tutuani na.

Nodi Khoje Hatimare Mae Jiu 119:161 ပူးပေါင်းရင်းမြစ်များ

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Nodi Khoje Hatimare Mae Jiu 119:157

Hatimare mae naoka te fakokhoana ghau iara igre la ghilei kmana fara, nu iara theome gnafa te leghuni kolho nou farirhiu iagho na.

Ululahu Samuel 26:18

Mae Devet jaola ne cheke eghu, “Naugna unha sagho te ngolhi tafri ghau iara nou mae gloku gnea? Unha najafra teke eni iara ka iagho na? Ba, unha glepo te diꞌa teke eni iara na?

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Nodi Khoje Hatimare Mae Jiu 119:23

Mae biꞌo gre ba mae funei, mare gnokro fodu te mala rogheni te mala falehe ghau iara na. Nu neuba ngau, iara nou mae gloku iagho. Iara ginauna leghuni fabrahu nou vetula iagho na.

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Thoutonu Eigna Mae Job 31:23

Iara theome magnahaghei te eni kaisei glepo te diꞌa ka naikno te kuma, naugna iara mhaghuni nogna nolaghi God na, eghuteuna iara nanga nogu glahu goigoni ghau mana.

Jenesis 39:9

Agne na theo kaisei mae te jateula iara teu ka te loku ka suga igne na. Mae Potifa theome lhotini kaisei glepo ka iara. Mana neke theome cheke ranghi ghau iara te mala thuru balumu iagho na, theo fara, naugna iagho khetogna mana. Iara theome tangomana te eni kaisei puhi te diꞌa ranghini mana. Jame te eni iara puhi te diꞌa tuana ranghini mana na, iara tapla jafra ka nakhibo ke ulugna God eghu.”

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Fapea Kings 22:19

Iagho neke diꞌanagnafa nei nhaꞌa fapari nigho themu neku ke ulugna Lord kani teke nomhini iagho teke cheke faparini Jerusalem nei naikno gna ra. Iagho neke tanhi ke ulugu iara eidi nakhibomu re, eghuteuna iagho neke rerheku nou pohere kate nomhini iagho eigna namono igne ginauna groꞌe teuna. Tutuani fara, iara la nomhidihi nou tharai ghotilo ra.

Ululahu Samuel 21:15

Tore! Iara au kmana mae te nolihi agne na. Iara theome magnahaghei te atha te mei ghotilo mae igne ka nogu suga na.”

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.