Nodi Khoje Hatimare Mae Jiu 119:16 - Buka Blahi Ka Cheke Holo

¹⁶ Leuleghu fata na iara keli tagu fara ka nou vetula iagho na, eghuteuna iara ginauna na theome ghatho kokodi nou cheke iagho re.

Nodi Khoje Hatimare Mae Jiu 119:16 ပူးပေါင်းရင်းမြစ်များ

Nodi Khoje Hatimare Mae Jiu 119:24

Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.

Nodi Khoje Hatimare Mae Jiu 119:47

Iara keli tagu fara leghudi nou cheke iagho igre, naugna igne unha te thono magnahagheni fara te mala eni iara na.

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Nodi Khoje Hatimare Mae Jiu 119:35

Baubatu ghau ka puhimu iagho, naugna kate leghudi iara nou cheke iagho re, iara thono kelitagu fara.

Nodi Khoje Hatimare Mae Jiu 119:176

Iara jateula sipu te tei snivi ra eghu la tei jafra kau nabrou te keli na. Eghume, mei sagho hiro ghau iara nou mae gloku gne, naugna iara gne theome ghatho ihoni nou vetula iagho na.

Nodi Khoje Hatimare Mae Jiu 119:141

Neuba iara ne fiti mae kolho ne filo soru ghau naiknore, iara theome tangomana te ghatho ihodi nou famane cheke iagho re.

Nodi Khoje Hatimare Mae Jiu 119:109

Leuleghu narane na iara tarabana mala lehe naugna iara ne leghu nigho iagho koba, nu iara theome ghatho ihoni nou vetula iagho na.

Nodi Khoje Hatimare Mae Jiu 119:83

Neubane diꞌa fara ngau iara nakarhagu na, iara theome ghatho ihoni kolho nou vetula iagho na.

Nodi Khoje Hatimare Mae Jiu 119:77

Iara thofno magnahagheni fara nou vetula iagho na. Eghume, kokhoni ghau iara na mala athini iara u karha na.

Nodi Khoje Hatimare Mae Jiu 119:70

Naikno te fahaehaghe fara igre theome lasedi kolho nou famane farirhiu iagho re, nu iara keli tagudi fara famane farirhiu tuare.

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Nodi Khoje Hatimare Mae Jiu 119:14

Kate leghudi iara nou farirhiu iagho re, nogu glealeꞌa iara thono biꞌo fara salaꞌuni, jateula kaisei mae te dedei fara te au nogna glepo te kmana ra eghu.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 119:61

Neuba naikno te diꞌa gre ne fariuriu ghau iara mala leghudi iara puhidi te diꞌare neu ngau, iara leghudi kolho nou famane farirhiu iagho re.

Nodi Khoje Hatimare Mae Jiu 119:143

Iara thoke ghau puhi biꞌo nei naꞌau papara eghu, nu nou cheke iagho na ngala te faglealeꞌa ghau iara na.

Nodi Khoje Hatimare Mae Jiu 119:153

Lord God, iara au papara fara ka thinigu na, eghume mei sagho mala atha fadelei ka iara u naꞌau papara igne, naugna iara theome ghatho ihodi nou famane farirhiu iagho ra.

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Proveb 21:15

Naikno te keli re kelitadi fara kate fateni mana ka puhi te doglo na. Nu naikno te diꞌare ginauna au diꞌanagnafa fara.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.