Nodi Khoje Hatimare Mae Jiu 119:155 - Buka Blahi Ka Cheke Holo

¹⁵⁵ Iagho ginauna thosei fakarhidi naikno te diꞌa are, naugna mare ne tirodi leghudi nou vetula iagho re.

Nodi Khoje Hatimare Mae Jiu 119:155 ပူးပေါင်းရင်းမြစ်များ

Thoutonu Eigna Mae Job 5:4

Thugna mana re theome au fakeli. Eghuteuna theo kaisei naikno te toghodi ka fate na.

Letas Teke Riso Tei Mae Pol Ka Khiloau Rom 3:11

Jare na theo kaisei naikno te thofno laseni God na, ba toreni God te mala toghoni na.

Luku 16:24

Mana ne eha eghu ka mae Ebraham, ‘Mama Ebraham! Kokhoni ghau iara! Kuru meini mae Lasaros mala titihi geghesugna na ka khoꞌu mala farifuni glapigu gne. Naugna iara la para ghau fara ke lamnagna khaꞌaghi igne!’

Profet Isaia 57:19

Neuba ghotilo ne tei au kate khaba, ba au kate namo, iara magnahaghei ghami ghotilo te au ka pharikeli. Uve, iara ginauna togho ghami ghotilo mala ke pulo mei.

Profet Isaia 46:12

Ghotilo naikno te patugama fara ra, fanomho mei ka iara! Ghotilo khaba fara ka puhigu iara te doglo na.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Nodi Khoje Hatimare Mae Jiu 18:27

Iagho lisei haghedi iheire te nhaꞌa faparidi thedi. Nu iagho ke nhaꞌa faparidi iheire te nhaꞌa fahaghedi thedi.

Nodi Khoje Hatimare Mae Jiu 10:4

Mae te diꞌa igne mana tirogna ghatho tahuni God. Mana ne lalasehi thegna neu ne cheke eghu, “God na theome tangomana te lasedi nei nangadi teu puhi najafra teke edi iara re.”

Profet Isaia 59:11

Ghehati mhaghu nomi fara, nei jaola diꞌa nagnafami eghu. Leghu fata na, ghehati magnahaghei nigho te mei fakarhi ghami, nu puhimu iagho te doglo na khaba fara ka ghehati.