Nodi Khoje Hatimare Mae Jiu 119:15 - Buka Blahi Ka Cheke Holo

¹⁵ Leuleghu fata na iara hirodi koba u gaoghathodi nou cheke iagho re, nei leghudi fabrahu eghu nou farirhiu iagho re.

Nodi Khoje Hatimare Mae Jiu 119:15 ပူးပေါင်းရင်းမြစ်များ

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Nodi Khoje Hatimare Mae Jiu 119:148

Bongi thongana na iara theome thuru, iara ghathodi kolho nou nhaꞌa cheke iagho ra.

Nodi Khoje Hatimare Mae Jiu 119:97

Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!

Nodi Khoje Hatimare Mae Jiu 119:78

Jame te keli na iagho famamajadi naikno te thono fahaehaghedi fara are, naugna mare ne cheke chaichaghi eigu iara. Neuba mare ne chaichaghi eghu koba ngau, iara ginauna gaoghatho heta kolho ka nou famane cheke iagho ra.

Nodi Khoje Hatimare Mae Jiu 119:48

Iara ghatho tahudi fara nou cheke iagho re te thono magnahaghedi fara iara te leghudire. Eghuteuna iara ginauna ghathodi fara nou farirhiu iagho re.

Nodi Khoje Hatimare Mae Jiu 119:131

Iara thono magnahaghedi fara nou cheke iagho re, jateula naikno te roi koꞌu te salaꞌui ia eghu.

Nodi Khoje Hatimare Mae Jiu 119:117

Loku hagheni khamegu gne, mala au fakeli iara, eghuteuna iara ginauna na ghathodi nou vetula iagho ra.

Nodi Khoje Hatimare Mae Jiu 119:23

Mae biꞌo gre ba mae funei, mare gnokro fodu te mala rogheni te mala falehe ghau iara na. Nu neuba ngau, iara nou mae gloku iagho. Iara ginauna leghuni fabrahu nou vetula iagho na.

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Jenesis 24:63

Kaisei grafi mana ne tei ka vido sare te theo naiknogna na, aonu mana ne filo laodi keha kamel ne mei ke ulugna mana.

Nodi Khoje Hatimare Mae Jiu 119:99

Tutuani, iara ghathodi fabrahu nou cheke iagho re, eghume iara atha gaoghatho te keli fara uludi nodi gaoghatho mae nogu velepuhi re.