Nodi Khoje Hatimare Mae Jiu 119:145 - Buka Blahi Ka Cheke Holo

¹⁴⁵ Lord God, ka gaoghathogu fateote'o, iara te kilo nigho mala fakarhi ghau. Cheke tughu meini sagho nogu khiokilo iara gne, mala tangomana iara te leghuni nou vetula iagho na.

Nodi Khoje Hatimare Mae Jiu 119:145 ပူးပေါင်းရင်းမြစ်များ

Nodi Khoje Hatimare Mae Jiu 119:10

Ka nagnafagu fateote'o na, iara magnahagheni te mala leghu nigho na, togho ghau iara sagho mala leghudi iara nou cheke iagho re.

Profet Jeremaea 29:13

Eghuteuna jame te hiro ghau iara ghotilo ka gaoghathomi fateote'o nei ka nomi glalase fateote'o teuna, ghotilo ginauna filo ghau iara.

Nodi Khoje Hatimare Mae Jiu 119:106

Iara la nhaꞌa chekehi ka iagho te mala leghudi nou famane cheke re. Eghume iara ginauna theome tangomana te chaichaghi nigho na.

Nodi Khoje Hatimare Mae Jiu 102:1

Lord God, fanomho mei ka nogu tharai iara gne, nei fanomhi meini nogu natanhi gne mala togho ghau.

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Nodi Khoje Hatimare Mae Jiu 119:44

Iara ginauna leghudi koba nou famane farirhiu iagho ra.

Nodi Khoje Hatimare Mae Jiu 86:4

Lord, faglealeꞌa ghau, naugna iara gne nou mae gloku iagho, nei iara gne tarai ari kolho ka iagho.

Nodi Khoje Hatimare Mae Jiu 62:8

Kheraguro, God na noda vido keli mala poru tahati. Eghume te keli na ghotilo fatutuani ni fabrahu mana, ghotilo cheke fajifladi puhi te biꞌo te au teu ka nagnafamire.

Ululahu Samuel 1:15

Nu naꞌa ne cheke eghu, “Mae biꞌo, iara theome dranga. Iara theome ko'u waen ba beer. Iara diꞌa nagnafagu fara, eghume iara tarai ka Lord. Iara cheke fajifladi unha te fadiꞌa nagnafa ghau gne.

Nodi Khoje Hatimare Mae Jiu 119:8

Iara ginauna leghudi nou vetula iagho re. Eghume iagho thosei tei koko ghau iara.

Nodi Khoje Hatimare Mae Jiu 119:58

Ka gaoghathogu fateote'o na, iara tore nigho iagho mala kokhoni ghau iara jateula teke nhaꞌa chekeni iagho ia eghu.