Nodi Khoje Hatimare Mae Jiu 119:137 - Buka Blahi Ka Cheke Holo

¹³⁷ Lord God, iagho eni unha te doglo na, nei nou vetula iagho re jaola thono doglo fara.

Nodi Khoje Hatimare Mae Jiu 119:137 ပူးပေါင်းရင်းမြစ်များ

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Esra 9:15

Lord God gna Israel! Leuleghu fata na iagho fate ka puhi te doglo. Ghehati nou naikno iagho te karha teu aro ghehati au kolho naugna iagho snakre ghami ghehati te karha teuna. Nu naugna nakhibomi ghehati te biꞌo fara gre, ghehati nabami te papara na, nei theome nabami te kegra haghe ke ulumu iagho na.”

Profet Daniel 9:7

“Lord, iagho edi fabrahu unha te doglore. Nu ghehati famamaja ghami themi kolho kate edi fabrahu puhi te diꞌa gre. Naiknodi Juda nei Jerusalem, baludi naikno te gnafa Israel te khi teidi iagho te tei au tafri ke lamnagna nauthoglu igne, ghehati te gnafa na kaisei nanaba ngala. Ghehati te gnafa na theome tajini nomi nhaꞌa cheke teke eni balumu iagho ia.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Thakle 16:7

Aonu, iara ne nomhini kaisei cheke ne jifla mei funu ka olta na, ne cheke eghu, “Uve, tuana tutuani fara! Nomi Lord God te nolaghi fara, puhimu iagho te mala fatedi naiknore tutuani nei doglo eghu!”

Profet Daniel 9:14

Lord, iagho tarabanahi te mala para ghami ghehati na, naugna iagho eni kolho unha puhi te doglo na, nu ghehati theome tangomana te leghuni nou cheke iagho na.

Nodi Khoje Hatimare Mae Jiu 103:6

Kate filodi God naikno te au papara ke paridi mae biꞌo te diꞌa puhidire, mana lisei haghedi ke klignadi mae biꞌo diꞌa gre.

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Nehemaea 9:33

Leuleghu fata na ghehati tapla jafra ka nakhibo, eghuteuna iagho leghuni puhi te doglo na ne para ghami ghehati. Leuleghu fata na iagho leghuni nou nhaꞌa cheke na ne togho ghami ghehati. Neuba, ghehati ne theome gnafa te eni puhi te diꞌa na.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Letas Teke Riso Tei Mae Pol Ka Khiloau Rom 9:14

Unha nate chekeni tahati na? Ba, God na edi glepo te theome doglo ka naiknore sia? Theo!