Nodi Khoje Hatimare Mae Jiu 119:13 - Buka Blahi Ka Cheke Holo

¹³ Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 119:13 ပူးပေါင်းရင်းမြစ်များ

Nodi Khoje Hatimare Mae Jiu 37:30

Mae te doglo igne au tagna u gaoghatho te keli, eghuteuna unha te chekedi mana ka naiknore famane keli koba. Mana tangomana te cheke ka puhi te doglo.

Nodi Khoje Hatimare Mae Jiu 34:11

Ghotilo kheragu mae majaghani iara ra, ghotilo mei mala fanomho ka iara. Iara ginauna na farirhiu ghami ghotilo mala ghatho tahuni Lord.

Mae Khuru 4:20

Ghepa theome tangomana te gnafa na. Ghepa magnahagheni fara te toutonu eidi unha teke filodi nei nomhidihi teku ka mae Jisas re.”

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Nodi Khoje Hatimare Mae Jiu 119:172

Iara ginauna koje eidi nou vetula iagho re, naugna nou vetula iagho gre ne thofno doglo fara.

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.

Nodi Khoje Hatimare Mae Jiu 118:17

Iara ginauna na theome lehe, iara na karhau mala toutonudi unha teke edi Lord re.

Matiu 10:27

Unha te chekedi iara ka ghotilo kolho te nomhidi ghotilo igre, ghotilo ginauna tei cheke ranghidi naiknore mala kafe nomhidi mare.

Diutronomi 6:6

Ghotilo mala au gaoghathomi fabrahu ka cheke te tusu ari iara ka ghotilo gognarogne.

Diutronomi 6:7

Farirhiudi koba thumi re. Cheke eidi glepo igre kate au teu ka suga, ba kate nolo ka nabrou, ba kate thuru sukha, ba kate kegra haghe.

Nodi Khoje Hatimare Mae Jiu 18:22

Iara ghaoghathoni fabrahu nogna vetula mana na. Eghuteuna iara neke theome huhughuni nogna famane cheke mana na.

Proveb 5:2

Eghuteuna te fanomho iagho ka iara na, iagho ginauna tangomana te leghuni gaoghatho te keli na, eghuteuna nou cheke iagho re ginauna fakakhana te lalase iagho na.