Nodi Khoje Hatimare Mae Jiu 119:122 - Buka Blahi Ka Cheke Holo

¹²² Iara magnahaghei nigho te nhaꞌa cheke te mala togho ghau iara nou mae gloku gne. Thosei snakredi naikno te fahaehaghedi fara igre te falehe ghau na.

Nodi Khoje Hatimare Mae Jiu 119:122 ပူးပေါင်းရင်းမြစ်များ

Hibru 7:22

Gaoghathogna igne mae Jisas ne fahoroghotoni kaisei nogna nhaꞌa cheke majaghani God teke tusu mei ka tahati. Nhaꞌa cheke majaghani igne uluni u nhaꞌa cheke tiatifa na.

Profet Isaia 38:14

Iara kabru ghegu fara ne tanhi fabiꞌo. Nu nogu natanhi iara igne, jateula te tanhi balhu ra eghu kolho. Eghuteuna kate filo haghe iara kligna na, tathagure jaola kabru. Lord, togho ghau! Hoholo thoke ghau iara.”

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.

Thoutonu Eigna Mae Job 17:3

God, nhaꞌa cheke sagho te mala togho ghau iara na. Iara theo kaisei naikno te mala foli fajifla ghau te mala snagla te jifla iara na.

Nodi Khoje Hatimare Mae Jiu 36:11

Thosei snakredi mae te fahaehaghe re mala mei magra ka iara. Iagho thosei snakredi mae te diꞌa puhidire mala kuru tei ghau iara.

Jenesis 43:9

Te chekeni iara ka iagho na, iara thegu ngala nate reireghini mana na. Jame te theome hata fapuloni iara mae Benjamin gne ka iagho na, iara eni hila kaisei najafra biꞌo ranghi nigho iagho, eghuteuna najafra igne ginauna na au fabrahu ka iara tifa e tifa.