Nodi Khoje Hatimare Mae Jiu 119:115 - Buka Blahi Ka Cheke Holo

¹¹⁵ Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Nodi Khoje Hatimare Mae Jiu 119:115 ပူးပေါင်းရင်းမြစ်များ

Ululahu Korin 15:33

Thosei snakredi naiknore mala chaghi ghami eigna karha fapulo na. Eigna ghotilo lasenihi u cheke igne, “Jame te kaisei ghotilo baludi naikno te diꞌare, mare ginauna fadidiꞌa puhimi ghotilo te kelire.”

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Nodi Khoje Hatimare Mae Jiu 6:8

Ghotilo naikno te diꞌara thosei mei namo ka iara. Eigna God na la nomhidihi nogu tharai iara re.

Nodi Khoje Hatimare Mae Jiu 139:19

God, iara magnahaghei nigho iagho fara te falehedi naikno te diꞌa are. Eghuteuna iara magnahaghedi fara mae iheire te khuru magra igre te tei delei na!

Nodi Khoje Hatimare Mae Jiu 119:106

Iara la nhaꞌa chekehi ka iagho te mala leghudi nou famane cheke re. Eghume iara ginauna theome tangomana te chaichaghi nigho na.

Nodi Khoje Hatimare Mae Jiu 26:5

Iara tirogu fara te tei fodu baludi naikno te gnognoro re, nei theome keli tagu la te tei gnokro fodu baludi naikno te diꞌare.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Nodi Khoje Hatimare Mae Jiu 26:9

Thosei khi fajifla ghau ka iagho baludi naikno te gnognoro gre nei naikno te aknu poru gre eghu.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Nodi Khoje Hatimare Mae Jiu 119:2

Naikno te leghudi nogna farirhiu mana re, nei leghuni mana teu ka nagnafadi fateote'o re, mare keli tadi fara.