Nodi Khoje Hatimare Mae Jiu 119:106 - Buka Blahi Ka Cheke Holo

¹⁰⁶ Iara la nhaꞌa chekehi ka iagho te mala leghudi nou famane cheke re. Eghume iara ginauna theome tangomana te chaichaghi nigho na.

Nodi Khoje Hatimare Mae Jiu 119:106 ပူးပေါင်းရင်းမြစ်များ

Nodi Khoje Hatimare Mae Jiu 56:12

God, iara ginauna na tusu ari ka iagho glepo teke nhaꞌa chekedi iara mala faꞌari ka iagho teku ra. Iara ginauna tusu ari ka iagho nogu namha na kate cheke fakeli nigho na.

Fapea Korin 8:5

Eghuteuna ghehati neke jaglo nomi naugna mare tufa ka puhi teke theome rouronuni ghehati na. Ulu lahu na mare neke kulu snakre laodi thedi ka Lord, eghuteuna ke leghu na mare jaola ne leghuni unha te magnahagheni God na ne snakredi thedi ka ghehati!

Fapea Kings 23:3

Ka narane tuana, king kegra neu rhegna khegra biꞌogna Sugablahi na, eghuteuna mana neke tuthughu majaghani nhaꞌa cheke igne balugna Lord. Mana nhaꞌa cheke ke ulugna mana thofno leghuni Lord kate tajidi nogna vetula nei nogna farirhiu nei nogna cheke teu mana re. Aonu mana ne nhaꞌa cheke mala farerheta nogna nhaꞌa cheke te au ka buka na igne. Aonu naiknore ne jaola ne nhaꞌa cheke te mala leghuni nhaꞌa cheke igne.

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Matiu 5:33

Mae Jisas ne cheke eghu, “Ghotilo la nomhinihi vetula teke cheke eghu mae kuꞌeda tahati tifa ra, ‘Thosei nhaꞌa cheke chaichaghi. Nu unha teke nhaꞌa chekeni ghotilo ka nanghagna God na tuana ngala te mala eni tutuani ghotilo na.’

Josua 24:16

Eghuteuna naiknore ne kafe cheke eghu, “Lord na nomi God ghehati, eghuteuna ghehati ginauna theome tangomana te tei kokoni mana te mala leghudi keha god are.

Fapea Kronikols 34:31

Ka narane tuana, king ne kegra haghe rhegna kegra biꞌogna Sugablahi na ne nhaꞌa cheke balugna Lord. Mana ne kaisei gaoghatho mala thofno faꞌuveni mana, nei mala leghudi nogna vetula nei nogna farirhiu nei nogna cheke teu mana re. Eghume nhaꞌa cheke te eni mana igne mala farerheta gna nogna cheke nei nogna nhaꞌa cheke teu mana te au ka buka igne.

Nehemaea 10:30

“Ghehati nhaꞌa cheke mala theome snakredi thumi gaꞌase gre mala tolaghi ka mae nalhaꞌudi keha kantri te au faligoho ghami igre. Eghuteuna ghehati ginauna theome tangomana te hata thudi gaꞌase mare re te mala tolaghi ka thumi nalhaꞌu ghehati gre.