Nodi Khoje Hatimare Mae Jiu 119:102 - Buka Blahi Ka Cheke Holo

¹⁰² Iagho themu ngala teke farirhiu ghau iara nou vetula na, eghume iara theome magnahaghei te lisa kokodi chekemu iagho re.

Nodi Khoje Hatimare Mae Jiu 119:102 ပူးပေါင်းရင်းမြစ်များ

Nodi Khoje Hatimare Mae Jiu 18:21

Iara leghu fakelini nogna vetula Lord na. Iara neke theome figri tagruni nogu God na, nei iara neke theome eni kaisei puhi te diꞌa.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Proveb 5:7

Thuguo, fanomho ka iara, thosei ghatho ihoni unha teke chekeni iara ka iagho ia.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Thoutonu Eigna Mae Job 36:22

“Iagho laseni, God na au nolaghi fateote'o. Mana kaisei famane velepuhi, salaꞌudi gnafa keha velepuhi are.