Nodi Khoje Hatimare Mae Jiu 119:1 - Buka Blahi Ka Cheke Holo

¹ Naikno te thofno doglo fara nakarhadire mare thofno glealeꞌa nodi fara, naugna mare ne leghudi nogna vetula Lord re.

Nodi Khoje Hatimare Mae Jiu 119:1 ပူးပေါင်းရင်းမြစ်များ

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Profet Esikiel 11:20

Uve, mare ginauna tangomana te leghudi nogu vetula iara re, eghuteuna faꞌuvedi nogu cheke iara re. Eghuteuna mare ginauna nogu naikno iara, eghuteuna iara nomi God mare.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Nodi Khoje Hatimare Mae Jiu 128:1

Keli tadi fara iheire te ghatho tahuni Lord nei leghudi nogna chekere teuna.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Nodi Khoje Hatimare Mae Jiu 112:1

Tahati kilo fnaknoni Lord! Ihei te ghatho tahuni Lord, nei magnahaghei leghudi nogna vetula Lord re teuna, mae igne keli tagna fara.

Proveb 11:20

Lord theome magnahagheni ihei te au gaoghatho te diꞌa ka thiꞌagna na. Nu mana namhani ihei te doglo na.

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Nodi Khoje Hatimare Mae Jiu 101:2

Iara magnahaghe nigho fara te mei ka iara te mala leghuni iara puhimu iagho te doglo na. Gobigna lepo te edire, iara ginauna leghudi puhi te doglo ka tathamu iagho na.

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Nodi Khoje Hatimare Mae Jiu 101:6

Nu iheire ngala te ghatho brana nigho re nate au balugu iara re. Eghuteuna iheire te doglo puhidire, ginauna loku ranghi ghau iara.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Thoutonu Eigna Mae Job 1:8

Lord ne cheke eghu ka Satan, “Ba, iagho filo glani puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Eghuteuna mana ghatho tahu ghau iara nei theome magnahaghei te eni kaisei glepo te diꞌa.”

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Proveb 13:6

Puhi te keli na barani naikno te doglo na. Nu puhi te diꞌa na faleheni naikno te tapla jafra ka nakhibo na.

Fapea Samuel 22:22

Leuleghu fata na, iara leghuni koba puhigna Lord eghuteuna iara theome tei fajafra ka mana.

Proveb 29:18

Jame te theome leghuni naiknore chekegna Lord na, mare ginauna edi thua nafnata puhi te theome doglo. Nu jame te leghuni nogna vetula Lord na, naiknore ginauna glealeꞌa fara.