Nodi Khoje Hatimare Mae Jiu 118:27 - Buka Blahi Ka Cheke Holo

²⁷ Lord kolho ngala God te tutuani na, nei mana keli fara ranghi ghita. Eghuteuna ka narane te biꞌo igne ghotilo louloku grege gaju mala tei falithuini olta na.

Nodi Khoje Hatimare Mae Jiu 118:27 ပူးပေါင်းရင်းမြစ်များ

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Nodi Khoje Hatimare Mae Jiu 18:28

Nogu Lord, iagho nogu juta iara, iagho hata fadelei gromno te toku tafru ghau iara igne.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Profet Isaia 60:1

Lord ne cheke eghu, “Ghotilo naiknomi Jerusalem! Ghotilo kegra haghe mala phae jateula naprai eghu! Naugna naphaegna nogna nolaghi biꞌo Lord na phae ke klignami ghotilo.

Profet Isaia 9:2

Naikno teke tei kate romno tifa ra ginau filoni kaisei juta biꞌo. Tifa na ghehati neke au ka vido te romno fara, nu gognarona juta igne phae mei ka ghehati iheire te au ka vido te romno.

Nogna Buka Esta 8:16

Hatimare mae Jiu igre ne thofno gleale'a fara, naugna mare laseni tela uludi nodi naoka gre ka narane igne.

Nodi Khoje Hatimare Mae Jiu 37:6

Eghume naikno te gnafare ginauna filoni puhimu jateula glepo te au ka vido te snagla fara na. Tutuani fara, puhimu te doglore ginauna theome poru.

Ululahu Kings 18:39

Kate filoni igne, naiknore ne khoko soru pari ka glose na ne eha eghu, “Lord ngala God te tutuani na! Lord ngala God te tutuani na!”

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Ululahu Kings 18:21

Profet Elija kegra ke uludi naiknore ne cheke eghu, “Niha fata au tami si ghotilo phei nafnata gaoghatho igre ia? Jame Lord gne te God tutuani na, leghuni mana, nu jame Baal gne te god tutuani na, leghuni mana.” Nu naiknore ne theome ghagri kaisei cheke.

Eksodas 38:2

Mare edi fati glepo te jateula hona buluka te fakegra haghe ka fati phile gna olta na mala kaisei thongana kolho olta igne. Eghuteuna mare ghiha tafru olta igne ka bras.

Eksodas 27:2

Mare na edi fati glepo te jateula hona buluka te fakegra haghe ka fati phile gna olta na mala kaisei thongana kolho ka olta igne. Eghuteuna mare na ghiha tafru olta igne ka bras.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Ululahu Kronikols 29:21

Ka keha narane na, naiknore ne falelehe kaisei thogha buluka nalhaꞌudi, nei kaisei thogha sipu nalhaꞌudi, nei kaisei thogha sipu ikodi mala gahu faknoro mala fafara. Mare ne fafara waen ka Lord. Eghuteuna mare ne aknu falehe kmana buluka, sipu, nei nanigot mala fafara fagaglana gna te mala au ka pharikeli balugna Lord.

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.