Nodi Khoje Hatimare Mae Jiu 118:22 - Buka Blahi Ka Cheke Holo

²² U thina teke tirodini mae iheire te horo suga na, kela kegra haghe kaisei thina ulu fara ka suga na.

Nodi Khoje Hatimare Mae Jiu 118:22 ပူးပေါင်းရင်းမြစ်များ

Luku 20:17

Nu mae Jisas ne filo ka mare ne cheke eghu, “Unha eghu gaoghathogna na phugra cheke ka grioriso te blahi na igne? “ ‘Thina te tirodini mae iheire te horo suga na, kela kegra haghe kaisei thina ulu fara ka suga na.’

Matiu 21:42

Mae Jisas ne cheke eghu ka mare, “Uve, ghotilo iu'ijunihi igne kau grioriso te blahi ia, “ ‘Thina teke tirodini mae iheire te horo suga na, kela kegra haghe kaisei thina ulu fara ka suga na. Glepo igne Lord teke eni gnana, thofno keli fara ka tahati filogna na.’

Mae Khuru 4:11

Eghuteuna u grioriso te blahi na ne cheke eghu eigna mae Jisas, “ ‘U thina teke tiromi ni ghotilo mae iheire te hohoro suga na, kela kegra haghe kaisei thina ulu fara ka suga na.’

Profet Sekaraea 4:7

“Ka Tharunga igne, Serababel tangomana te uludi gobigna lepo te ninhigrana te fanograni mana te theome tangomana mana te loku fagnafani nogna Sugablahi Lord. Uve, mana jateula te eni kaisei thogele biꞌo te mala vido sare ra eghu. Eghuteuna kate lilisei mana thina leghu lahu ka suga igne, naiknore ginauna eha eghu fabiꞌo, ‘Keli fara! Keli fara!’ ”

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.