Nodi Khoje Hatimare Mae Jiu 118:15 - Buka Blahi Ka Cheke Holo

¹⁵ Fanomho mei ghotilo ia, eigna tahati nogna naikno Lord, tahati mala glealeꞌa nei eha eghu ke lamnadi noda suga thapuale gre. Uve, tahati eha eghu fabiꞌo, “Ka nogna nolaghi Lord te uluni tahati u magra na.

Nodi Khoje Hatimare Mae Jiu 118:15 ပူးပေါင်းရင်းမြစ်များ

Nodi Khoje Hatimare Mae Jiu 89:13

Lord God, iagho ngala te au nolaghi te mala vuavuhadi gobigna lepore! Uve, nou nolaghi iagho na thono biꞌo fara.

Nodi Khoje Hatimare Mae Jiu 60:12

God, jame au teu iagho balumi ghehati na, ghehati gne ginauna na theome nigra ka magra na. Eigna iagho ginauna tapla sorudi nomi naoka ghehatire.

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Luku 1:51

Ka nogna nolaghi na, mana ne edi glepo te biꞌo re. Mana ne nhaꞌa faparidi naikno te fahaehaghe kau gaoghathodire.

Nodi Khoje Hatimare Mae Jiu 98:1

Tahati kojeni kaisei khoje majaghani mala koje kilo fnaknoni Lord, naugna mana edi glepo te biꞌo. Mana la uludihi nogna naokare kau magra. Uve, mana ulu ka nogna nolaghi te blahi nei nheta fara.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Mae Khuru 16:34

Ke leghugna igne mae greireghi suga sosolo na hatadi mae Pol ghe mae Silas ne tei ka sugagna na ne faꞌimadi. Mana nei tharakna na ne gleale'a fara naugna mare gognaro na la fatutuani God.

Profet Isaia 65:13

Eghume, igne unha te chekeni Lord na, “Nogu mae gloku iara re ginauna ima ghedi, eghuteuna ghotilo ginauna na rofo kolho. Nogu mae gloku iara re ginauna koꞌu ghedi, nu ghotilo ginauna roi koꞌu. Nogu mae gloku iara re ginauna glealeꞌa fara, nu ghotilo ginauna mamaja nomi fara.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 68:3

Nu ghotilo naikno te keli ra keli tami nei glealeꞌa eghu ke ulugna God, ghotilo glealeꞌa balu eha fabiꞌo.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Nodi Khoje Hatimare Mae Jiu 32:11

Ghotilo naikno te doglo fara puhimira, ghotilo kelitami nei glealeꞌa eghu ka glepo te keli te edi Lord re! Ghotilo naikno te keli ka tathagna Lord ra, ghotilo mala glealeꞌa balu koje fabiꞌo!

Nodi Khoje Hatimare Mae Jiu 45:4

King, iagho na fnakno fara nanghamu na. Iagho saghe ka hose te tei magra! Iagho ginauna na uluni magra na ka nou nolaghi te biꞌo fara. Eghume, ka puhi igne iagho na kafe toghodi nou naikno te leghudi thofno chekemu te tutuani nei puhimu te thofno doglo fara, nei farirhiudi mala namhadi nei taegodi eghu keha naiknore.

Diutronomi 12:12

Ka vido blahi tuana ghotilo tangomana te glealeꞌa ke ulugna Lord. Ghotilo baludi thumi nalhaꞌu nei thumi gaꞌase, nei nomi mae gloku teure, ghotilo te gnafa na tangomana te glealeꞌa jare na. Eghuteuna ghotilo mala edi vikedi mae Livaet te au ka nomi namono ghotilo are mala mei glealeꞌa balumi ghotilo jare, naugna mare theo nodi glose thedi.

Nodi Khoje Hatimare Mae Jiu 119:54

Kate au teu iara katha vido kmo'ei kolho kau nauthoglu igne na, iara koje fabrahu eidi nou vetula iagho re.

Nodi Khoje Hatimare Mae Jiu 5:12

Lord, iagho fablahidi naikno te leghudi nou chekere. Iagho na jateula greoreo eghu mala reireghi fakelidi naiknore.

Nodi Khoje Hatimare Mae Jiu 111:2

Gobigna lepo te edi Lord re thofno keli fara, eghuteuna naiknore thono keli tadi fara ka nogna gloku Lord re. Mare magnahaghedi fara te lase fakelidi glepo igre.