Nodi Khoje Hatimare Mae Jiu 117:1 - Buka Blahi Ka Cheke Holo

¹ Naikno te gnafa ka kantri te gnafa igre, cheke fakelini Lord! Naikno te gnafa ka namono te gnafa igre, ghatho tahuni mana!

Nodi Khoje Hatimare Mae Jiu 117:1 ပူးပေါင်းရင်းမြစ်များ

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Letas Teke Riso Tei Mae Pol Ka Khiloau Rom 15:11

Eghuteuna grioriso te blahi na jaola ne cheke eghu, “Ghotilo te gnafa naikno te theome Jiura, ghotilo mala cheke fakelini Lord. Ghotilo naikno ka namono te gnafara, ghotilo mala cheke fakelini mana ka khoje.”

Nodi Khoje Hatimare Mae Jiu 67:3

God, te keli na naiknore jame cheke fakeli nigho iagho, nei pala hagheni teu nanghamu iagho na! Uve, te keli na naikno te gnafa gre jame cheke fakeli nigho.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Nodi Khoje Hatimare Mae Jiu 66:1

Tahati cheke fakelini God! Tahati glealeꞌa, tahati koje ranghini mana!

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Nodi Khoje Hatimare Mae Jiu 66:4

Naikno te gnafa ka nauthoglu igne mare tufru soru nigho. Mare koje ne pala hagheni nanghamu na.”

Nodi Khoje Hatimare Mae Jiu 150:6

Ghotilo gobigna lepo te karha, kilo fnaknoni Lord. Uve, tahati kilo fnaknoni Lord!