Nodi Khoje Hatimare Mae Jiu 115:4 - Buka Blahi Ka Cheke Holo

⁴ Nu nodi god naikno bongihehere neke edi kolho ka silva nei gol.

Nodi Khoje Hatimare Mae Jiu 115:4 ပူးပေါင်းရင်းမြစ်များ

Diutronomi 4:28

Jare ghotilo ginauna tarai ka mumuju teke horo kolho naiknore. Nafnata mumuju teke horo ka gaju ba thina te theome tangomana te fifilo ba fanomho ba ghamu ba gnanghoni kaisei glepo.

Profet Isaia 44:10

Ihei te horo mumuju ka aean igne, mana thono fagoigoli fara. Naugna vido aean te tarai mana tagna igne, theome tangomana te toghoni mana na!

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Profet Isaia 37:19

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Mae Khuru 19:35

Aonu mae sekretri gna namono biꞌo na ne famuanadi naiknore ne cheke eghu, “Ghotilo maemi Efesus! Naikno te gnafa ka nauthoglu gne la kulu lasenihi tahati namono Efesus gne ngala te tajini teu sugagna Atemis biꞌo gne. Eghuteuna naiknore lase ghita la tahati te tajini nogna thina blahi naꞌa teke khoko soru funugna kligna na.

Profet Hosia 8:6

Kaisei maegna Israel neke eni mumuju god igne. Eghuteuna glepo teke eni mana igne theome God tutuani. Iara ginauna na puri nguanguja mala vuhai nakrofu mumuju tuana.

Nodi Khoje Hatimare Mae Jiu 97:7

Iheire fateo te pogho soru nei cheke fahaehaghedi teu eidi keha god are ginau mamaja nodi fara, naugna keha god are ginau pogho soru mala tarai kolho ka God.

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Profet Isaia 42:17

Nu iheire te tarai ka mumuju god, eghuteuna chekeni te tuana ngala nodi god na teu are, ginauna filo fameomekro balu mamaja fara.”

Fapea Kings 19:18

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Ululahu Kings 18:26

Aonu mare ne hata keha buluka nalhaꞌugna na ne tarabana neu. Eghuteuna mare ne funu tarai ka Baal hamerane ne ghilei farihotei aublatha. Aonu mare ne eha eghu fabiꞌo, “Lord Baal! Fanomho mei ka nomi tharai ghehati gre!” Aonu mare ne ragi faligohoni olta teke horo mare na, nu theo kaisei cheke tughu te mei funu ka god Baal.

Ululahu Kings 18:29

Naublatha thongana na te ghilei thokeni vido mala fafara fei grafi na, mare eha fabiꞌo jateula naikno te noli ra neu. Nu theo kaisei cheke tughu te mei ka mare na, theo kaisei naikno te fanomho ka mare na, eghuteuna theo kaisei god te fanomho ka nodi cheke mare igre.

Fapea Kronikols 32:19

Mare cheke faparini nodi God naiknodi Jerusalem nafnata puhi te cheke faparidi nodi mumuju god keha kantri teke horo kolho ka khame naikno.

Profet Isaia 44:9

Ihei te sari mumuju god te mala tarai tagna na, mae igne theome nabagna kaisei glepo. Eghuteuna mumuju te eni mana igne theo nafugna kolho. Naikno te tarai ka mumuju na, naikno igne dofu ka unha te tutuani na nei noli eghu. Eghuteuna mana ginauna mamaja nogna fara ka keha naiknore.

Profet Daniel 3:5

Kate nomhidi ghotilo naogladi khufli, nifu, ghita, belo, sesele nei keha nafnata khoje teu igre na, ghotilo mala kafe pogho soruni mumuju gol te fakegra haghe King Nebukadnesa igne.

Profet Daniel 5:23

Iagho pala hagheni nanghamu themu na kligna, eghuteuna nhaꞌa soruni nanghagna God gna kligna na pari. Filo sagho! Iagho chekedi nou mae glokure mala tei hata mei kapu teke hata mae kuꞌemu ka sugagna God na igre. Eghuteuna iagho baludi khetomu nei fapea khetomu, nei hatimare mae funei balu khetodi teu mare igre mala koꞌu waen ka kapu te blahi fara igre. Eghuteuna ghotilo kilo fnaknodi mumuju god teke hohoro ka gol, silva, bras, aean, gaju nei thina teu igre. Filo sagho, god igre theome tangomana te filo na, ba te nonomho na, ba te cheke na, ba te laseni kaisei glepo na. Thono theo fara. Nu iagho theome ghatho tahuni God mae ihei te reireghini nei batuni teu nakarhamu iagho na.