Nodi Khoje Hatimare Mae Jiu 115:12 - Buka Blahi Ka Cheke Holo

¹² Lord na ghatho ghita fabrahu, nei mana ginauna fablahi ghita tahati. Uve, mana ginauna fablahi ghita tahati naiknoda Israel nei hatimare nogna mae pris.

Nodi Khoje Hatimare Mae Jiu 115:12 ပူးပေါင်းရင်းမြစ်များ

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Profet Isaia 44:21

Lord neke cheke eghui, “Ghotilo naiknomi Israel, ghotilo ke ghathodi nogu cheke iara ra. Ghotilo nogu mae gloku iara ra, iara neke vuavuha ghami ghotilo, eghuteuna iara theome tangomana te ghatho iho ghami ghotilo na.

Galesia 3:29

Ghotilo nogna Kraes, eghume ghotilo jaola goro thugna mae Ebraham. Eghuteuna ghotilo ginauna na hata unha teke nhaꞌa chekeni God ka mae Ebraham tifa ia.

Nodi Khoje Hatimare Mae Jiu 67:7

God te fablahi ghita. Naikno te au heva te heva ka nauthoglu igne mala ghatho tahuni mana.

Galesia 3:14

Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.

Nodi Khoje Hatimare Mae Jiu 25:7

Lord, ghatho ihodi nakhibo nei najafra eghu teke edi iara kani mae majaghanigu ra. Naugna iagho namha ghau nei keli ranghi ghau eghu iara koba.

Jenesis 8:1

God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Mae Khuru 10:4

Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Naba 6:27

“Eghume te chekeni mare nanghagu iara mala fablahidi naiknodi Israel gre teuna, iara ginauna fablahidi naikno tuare.”

Nodi Khoje Hatimare Mae Jiu 135:19

Tahati naiknoda Israel mala cheke fakelini Lord. Uve, ghotilo nogna mae pris mana ra mala jaola cheke fakelini mana.